96 Mrs. Randall, Pt. 2

Ang ancestral mansion ng pamilya nina Garreth ay sadang kamangha-mangha. Ang arkitektura nitong old Filipino-Spanish na grandiyoso at may malinaw na impluwensiya ng Art Deco sa disenyo ng brick roof at asimetrikong ayos ng dalawang patulis nitong taluktok, mga spires, na siyang nagbibigay halintulad dito sa isang kastilyo, lalo na sa parte ng balkonahe sa ikalawang palapag kung saan kahit ang balustre at barandilya ay kapwa may intricate na disenyo na siyang nagpapahiwatig sa karangyaan ng arkitektura. 

Matatanaw mula sa balkonaheng iyon ang malawak na bakuran at hardin pati na rin ang mahabang sementadong daanan ng kotse at ano pang sasakyang patungo sa mataas na bakal na gate.

Sa una at ngayon nga ay pangalawang buhay ni Ellaine, ang mga bahay na tinuluyan niya ay mga apartment na kabilang sa concrete jungle ng maingay na lungsod. Sa mga public park at o