88 Nothing Really Special, Pt. 2

Pagkatapos ng party na iyon ay maraming natanggap na imbitasyon para sa iba pang mga pagtitipon at pribadong kasiyahan ang natanggap ni Ellaine. Tinanong niya si Garreth tungkol sa mga iyon dahil nagtataka siya kung bakit siya pinadalhan ng mga imbitasyon gayong ilan sa mga pangalan ng nagpadala sa kanya ay iyong mga ramdam niyang hindi siya gusto at inirap-irapan lang siya nang ipinakilala siya ni Garreth sa mga ito.

“Pakitang-tao. Pakisama. Bilang respeto na rin sa akin, since, in the eyes of the public, you are now my legal wife. Any disrespect to you can be interpreted as a disrespect to me. That’s why they extend the courtesy to you.”

Kumunot ang noo ni Ellaine. “Ang ibig mong sabihin ang mga imbitasyong ito ay para sa’yo talaga at sampid lang ako, ganoon?”

“Hindi mo ka