Chapter 29

"Ano bang gusto mong pag-usapan natin at sinadya mo pa talaga ako dito sa bahay?"

Umayos ng upo si Hendrix upang makausap at ibigay ang kanyang buong atensyon sa anak.

"Dad.." Humugot ng malalim na hininga si Paxton. "Pinilit mo akong magpakasal kay Jillian at pinagbigyan kita. Kaya sana ay ako naman ang pagbigyan mo ngayon. Gusto ko nang tapusin ang walang kwenta naming pagsasama. I want to marry the woman I truly love. And that's Lily."

Matagal na tinititigan ni Hendrix ang anak. Umaasa si Paxton na pakikinggan ng ama ang kanyang hiling ngunit ganun na lang ang pagkabigo na naramdaman niya nang umiling ito.

"I'm sorry, son, but I can't give you that. Lily is no good for you and—"

"And you think that Jillian is the right one for me?" pagpuputol ni Paxton sa sinasabi ng ama sa matinding sama ng loob."Dad, hindi ko siya mahal! At kahit kailan ay hindi ko siya matututunan na mahalin! Si Lily lang ang tinitibok ng puso ko. Wala ng iba!"

Hindi pinalampas ni Hendrix ang pagtataas ng boses