Chapter 2

"Sigurado kang sa afternoon class ka papasok para sa pageant? Pwede namang hindi ka muna umattend... sasabihin nalang namin ni Yvex sa facilitators na masama pakiramdam mo," Iyon ang sinabi ni Astrid habang magka-video call kami. Recess kasi nila ngayon at tinawagan niya ako para kumustahin ako.

I smiled a bit before answering. "Oo... ayoko namang unang practice, wala ako kaagad. Don't mind me, I'm... fine."

"Anong maayos?" Sumilip si Yvex sa camera ng phone ni Astrid. "Nakita mo ba 'yong itsura mo kahapon? Sobrang maga 'yong pisngi mo! Magpahinga ka muna, Tryze. Maiintindihan 'yon ng mga teachers."

Napatigil ako nang sabihin na naman ni Yvex 'yong nangyari kahapon. Buong gabi akong umiyak sa kwarto ko dahil sa nangyari. Hindi ko rin sinasagot ang mga calls at texts ni Clyde dahil sa nagawa niya.

I don't know... what happened yesterday was too much. Sinampal niya ako sa harap ng maraming tao. Sobrang sakit. Physically and emotionally. Hindi ko alam kung saan ako nasasaktan, eh. Sa lakas no'ng sampal, o sa pag-iiba ng ugali niya?

Hindi siya gano'n noon... I swear. Kaya sobrang naguguluhan ako kung anong nangyayari sa kaniya ngayon.

"Basta papasok ako mamaya," I assured them. "Okay lang talaga ako."

"Sunduin ka nalang namin!" Astrid suggested. "'Di ba, love? Dapat hindi ka lapitan ni Clyde. Baka saktan ka ulit no'n..."

"Oh siya, sige na." I diverted the topic. Ayaw ko munang pag-usapan ang nangyari kahapon. "I'll just message you later. Bye!"

Astrid ended the video call. I let out a deep sigh at walang ganang tumayo upang maligo.

10 na ng umaga at ala-una ng hapon ang afternoon class. I went to the bathroom at nag-cold shower. Hinayaan kong umagos ang tubig sa katawan ko. Ipinikit ko ang mata ko at huminga ng malalim, pilit na iwinawaksi sa isip ko ang nangyari kahapon.

Nang matapos akong maligo, pinatuyo ko ito gamit ang blower at nag-ayos. Hinayaan kong nakalugay ang buhok kong hanggang baywang. Inayos ko na rin ang bag ko at nag-lip tint bago bumaba para kumain ng almusal.

"Oh, Beatryze. Hindi ka pumasok?" Nakauwi na pala si Mommy. Hindi ko kasi siya nakaabutan dito kagabi no'ng umuwi ako.

I kissed her cheeks. "Papasok palang po ngayong hapon. Masama po kasi pakiramdam ko kanina," pagdadahilan ko. "Nasaan si Daddy?"

She looked at me, worried. "Naroon pa rin sa site. Anyway, is there a problem, love?" Inilapag nito ang bacon sa dining table. "Here, kumain muna tayo."

Ngumiti ako at umupo. Gano'n din ang ginawa ni mommy. Nilagyan niya ang plato ko ng fried rice, bacon and hotdog. "Kumain ka ng marami."

"Opo," kumain na ako ng hinandang pagkain ni mommy. "Uhm, nga pala Mommy... representative po ako ng Binibini at Ginoong Kalikasan."

Her eyes widened when she heard what I've said. "Oh my gosh– really? Kailan ang pageant? I want to watch!"

"Wala pa pong sinasabing exact date, pero sasabihan ko kayo. Sana po makapunta kayo," nahihiya kong sambit.

She smiled before answering. "I'll check my schedule, okay? But I'll do my best para mapanood ang pageant mo."

Nag-kwentuhan pa kami ni mommy at nagpaalam na itong matutulog na dahil kakauwi niya lang pala ngayon. Mabuti nga't hindi niya nahalata ang pisngi ko. Medyo hindi na kasi namamaga dahil sa hot compress.

I looked at my watch wrist at 11:30 na pala. Nag-chat muna ako kila Astrid na sunduin ako rito sa bahay at nagbihis na ako ng school uniform ko. Almost 12 na nang makarating sila Astrid at Yvex sa bahay namin.

"Hey! Are you feeling better now?" Ayon ang bungad na tanong ni Astrid sa'kin nang makita niya ako. Tinignan niya ang pisngi ko bago ngumiti. "Buti naman at hindi namaga. Magpasalamat tayo sa hot compress bag ni Kairus."

Speaking of that compress bag... "Wait lang, may nakalimutan ako!"

Tumakbo ako pabalik sa kwarto at hinanap 'yong compress bag na binigay ni Kairus. Bigay ba 'yon? O pinahiram lang niya sa'kin? Ewan, basta isasauli ko nalang sa kaniya.

Inilagay ko na sa bag ko ang compress bag. Nang makabalik sa gate, sumakay na ako sa back seat ng kotse. Napakunot ang noo ko no'ng makita kong si Yvex ang nagd-drive at nasa front seat si Astrid.

"Gago ka, Yvex. You're still a minor! Bakit nagd-drive ka na?" Saway ko kaagad sa kaniya. He just laughed at me.

"Relax! 18 na naman ako next month, chill ka lang diyan. Marunong naman akong mag-drive, 'no," he assured me. Napaka-pasaway talaga kahit kailan! Pero alam ko namang hindi ko siya maaawat kaya hinayaan ko nalang siya. Alam ko namang hindi niya hahayaang mapahamak kami ni Astrid.

Buong biyahe ay tahimik lang ako. Ang boses ni Astrid ang umaalingawngaw sa kotse na 'to dahil bukod sa daldal siya nang daldal, sumabay pa siya sa kanta na pinatugtog sa radyo. Napa-iling na lamang ako dahil doon. Walang preno ang bibig niyan.

Nang makarating kami sa school, nagdadalawang-isip pa ako kung bababa ako sa kotse o hindi. Pero nandito naman na 'ko, ano pang ganap ko?

Bumaba na 'ko sa kotse at pansin ko agad na maraming tao ang nagtitinginan sa'kin. Bakas sa mukha nila ang pag-aalala. Pero bakit? Anong ginawa ko?

"B-Bakit sila nakatingin sa'kin?" Kinakabahan kong sambit. Napalunok si Astrid at kinuha ang phone niya. Nanlaki ang mata nito bago magsalita.

"Gago... sinong nagpakalat nito?!" Sambit ni Astrid habang may tinitignang kung ano sa phone niya.

Kumunot ang noo ko. "Ano 'yan?"

"H-Huh?" Alanganin itong ngumiti sa'kin. "A-Ano kasi–"

"Patingin nga," aangal pa sana ito ngunit nakuha ko na ang phone niya. Nanlaki ang mata ko nang makita kung ano ang nasa video.

Iyon 'yong naganap kahapon... when Clyde and I were arguing and he suddenly slapped my face. Rinig na rinig sa video ang pagtatalo naming dalawa dahil nagsisigawan kami at nasa malapit lang ang nag-video noon. Pero sinong may gawa nito?

"Fuck," I hissed. Huminga ako ng malalim at naglakad nalang papasok ng school. Hindi ko na pinansin ang mga tingin ng tao sa paligid ko.

"Wait lang, Tryze! Hoy!" Tumatakbo na si Astrid at Yvex para masabayan ako sa paglalakad. Nang maabutan nila ako, hinawakan nila ang braso ko para mapahinto ako.

Hingal na hingal si Astrid kaya pinaypayan niya muna ang sarili niya gamit ang kaniyang kamay bago magsalita. "Ang bilis... mo namang maglakad," pahinto-hinto ang pagkakasabi niya noon dahil hinihingal pa rin siya. "Pwede bang time first? Hinihingal talaga ako!"

"B-Bilisan na natin... hindi ako komportable na pinagtitinginan ako ng mga tao," sambit ko.

Naglakad na kami papunta sa room namin. Humiwalay na si Yvex dahil nasa kabilang building pa siya. Nang makapasok kami sa loob ng room, dinagsa ako ng mga kaklase ko. Mabuti at nasa sampu palang ang nasa room, dahil wala pa namang 1.

"Gagi, Tryze! Okay ka lang?" Kaagad akong tinanong ni Angelica, 'yong isa kong kaklase. "Nakita ko 'yong video! Naiinis ako sa boyfriend mo! Sinampal ka sa walang kwentang dahilan. Tanga ba siya?"

"Oo nga!" Umirap pa si Xenia. "Red flag, girl! Red flag! Hindi ka flag pole! Hindi rin pula ang paborito mong kulay, hiwalayan mo na 'yan!"

Tinulak ni Astrid ang mga nakaharang sa dadaanan namin. "Pwede bang papasukin niyo muna si Tryze? Saka huwag niyong sabihin 'yang mga 'yan! Mas nakakadagdag lang kayo sa stress," hinatak niya ako para makaupo ako sa upuan ko.

"Teka lang kasi, Astrid! Gusto lang naman naming makatulong, 'no!" Umupo si Xenia sa desk ng arm chair ko. "Tryze, kumusta ka?"

"A-Ayos lang?" Patanong kong sagot. "Bakit?"

"Anong nararamdaman mo ba ngayon?" Tanong ni Angelica sa'kin. Hindi ko napansin na nasa kabilang upuan siya na katabi ko.

I shrugged. "Naiilang ako sa mga tao."

"Hindi ka ba nalulungkot or something?" Tanong muli ni Angelica. "Pwede kang mag-share sa'min! Makikinig naman kami."

"Hindi naman na ako nalulungkot," ngumiti ako sa kanila. "Walang point kung iiyak ako rito. Naiyak ko na lahat kagabi. At isa pa, hindi naman na mababago no'n ang nangyari."

Xenia caressed my hair. "Crying makes you feel better. So if you want to cry, do it. Whatever makes you feel better." She smiled. "Nandito kami! Gusto mo, samahan ka pa namin mamaya pagpunta mo roon sa practice niyo. Representative rin si Clyde, 'di ba? Baka mamaya kung anong gawin no'n sa'yo!"

"Uh..." Astrid pursed her lips. "I don't think na magiging representative pa rin siya."

Angelica arched a brow. "Bakit naman?"

"Kalat na kalat na sa campus ang ginawa niya! I'm pretty sure na may mga teachers nang nakakaalam. Hindi nila 'to palalagpasin dahil marami nang nakakita. Baka ma-guidance siya at hindi na siya makasali sa pageant." Mahabang paliwanag ni Astrid. "Well, if that's the case, kasalanan niya 'yon! Mabuti nga kung ganoon ang mangyari."

"True," sumang-ayon si Xenia. "Consequence 'yan no'ng ginawa niya. Mabuti nga sa kaniya."

Napatigil ako sa pakikinig sa kanila nang tumunog ang phone ko. Mariin akong napapikit nang makita na tumatawag siya. Hinayaan ko lang itong mag-ring hanggang sa mawala na ang caller ID niya sa phone ko.

Sinilip ko sandali ang text messages niya at sobrang dami na no'n. Binasa ko ang ilan sa mga bagong mesaage.

From: Baby <3

Tryze, please. Kausapin mo naman ako.

From: Baby <3

Answer my texts and calls. I'm sorry. Please talk to me. Ayusin natin 'to.

From: Baby <3

Beatryze naman. I know you're mad. But please... kausapin mo ako. Dumaan ako sa bahay niyo kanina at wala ka roon. Pumasok ka na ba?

From: Baby <3

Mag-usap tayo sa practice mamaya for the pageant.

Pinatay ko na ang phone ko at itinago iyon sa bulsa ng palda ko. Maya-maya, nandito na halos lahat ng kaklase ko kaya halos dito na sila tumambay sa upuan ko para lang kumustahin ako.

"Gusto mo bang samahan kita sa practice niyo?" Tanong ni Axel matapos niya akong kumustahin. "Para lang masiguro kong ligtas ka."

"'Wag na, Pres. Nakakahiya naman," napakamot pa ako sa batok ko nang sabihin ko iyon. "May mga kasama naman po ako. Si Astrid pati 'yong boyfriend niya. Saka nandoon din naman si Vince. Magiging okay lang po ako."

"Sigurado ka, ah?" He asked me again. I just nodded at smiled at him. "Alright. Be safe, then."

"Salamat sa concern, Pres," sambit ko rito. Tumango lang ito at bumalik na sa upuan niya, pagkatapos ay nagbasa ng libro.

Hindi pa ako nakakainom ng tubig, si Vince naman ang lumapit sa'kin. He cupped my chin and took a glance on my left cheek. "Masakit pa ba?"

"H-Hindi naman na masyado," alangan akong ngumiti sa kaniya.

He tsked. "Sana pala 'di kita iniwan do'n kahapon. Edi sana, hindi nangyari 'yan sa'yo." Kinuyom niya ang kamao niya at huminga ng malalim. "Fucking Avier."

I chuckled. "Don't mind him. Ayos na ako."

"Sigurado ka, ah." He smiled at me. "Oh, siya. Mamaya nalang ulit. Bantay-sarado sa'kin 'yang Clyde na 'yan."

Tumawa ako sa sinabi niya at napangiti. Bumalik na ito sa upuan niya at kinausap ang seatmate niyang si Angelica.

"Ano na naman ba, Abriel?" Inis na sinabi ni Angelica ang surname ni Vince. "Tigilan mo 'ko, ha! Pepektusan kita!" Pag-sigaw nito.

"Tanghaling tapat, ang init-init ng ulo mo!" Tinawanan ni Vince si Angelica na iritang-irita na sa kaniya ngayon. Palagi silang ganiyan. Kaya ang daming nags-ship sa kanila dahil ang cute raw nila tignan. Sila na yata ang loveteam ng section namin.

Umirap si Angelica at tinignan si Vince. "'Wag mo nga akong pag-tripan! Humanap ka ng ibang pagt-tripan mo!"

"Seryoso naman ako sa'yo, ah?" Biglang nag-seryoso ang mukha ni Vince nang sabihin niya iyon. "Pati feelings ko para sa'yo, seryoso." He winked at Angelica when he said those words.

Nanlaki ang mata ni Angelica at tumingin sa malayo. Tumalikod din ito kay Vince, halatang nahihiya na. Biglang nag-hiyawan ang room sa sinabi ni Vince!

"Hoy! Hoy, gago, ship na 'yan!" Si Astrid ang nangunguna sa pag-kantyaw kila Angelica at Vince. "VinGel!"

"Anong VinGel?" Tanong ni Kurt, isa naming kaklase. "Ang bantot! Hahaha!"

"Edi ikaw ang mag-isip ng name ng loveteam nila!" Dumila pa si Astrid nang sabihin iyon kay Kurt. Napa-iling nalang ako. Ang iingay talaga nila kahit kailan!

"Ship ko talaga 'yang dalawang 'yan!"

"Gago, pre! Diyan nag-simula nanay at tatay ko! Hahaha!"

"Ay, weh? Ako kasi, riyan nagsimula 'yong dalawa kong aso! Whahaha!"

Pinigilan ko ang sarili kong matawa sa pinagsasasabi ng mga kaklase ko. Somehow, nakakalimutan ko talaga ang mga problema ko dahil sa kanila. Sa normal na kilos nila, hindi nila alam na may mga taong nagiging masaya at nakakalimutan ang problema dahil doon.

"'Wag niyo nang asarin! Baka mafall si Angelica, oh. Namumula na ang pisngi!" Ymara giggled when she said those.

"Hindi kaya!" Pagtanggi ni Angelica, kahit halata namang namumula talaga ang pisngi niya. "B-Blush on lang 'yan!"

Umirap si Ymara bago magsalita. "Okay, girl. Utuin mo ang sanggol."

Napatigil kaming lahat sa pagdadaldalan dahil pumasok na si Mrs. Rodriguez. Tumayo kaming lahat para batiin siya.

"Good afternoon," inilapag nito ang mga gamit niya sa teacher's table. "By the way, where's Beatryze?"

I raised my hand so she could see me. "Can we talk outside?"

Tumango lang ako at sumunod kay Ma'am Gia palabas ng room. Ma'am Rodriguez's first name was Gia.

"B-Bakit po, Ma'am?" Kinakabahan kong sambit. May nagawa ba ako o ano?

"Listen, Tryze." She looked at me before uttering another word. "So, nabalitaan kong someone slapped you yesterday and it was your... boyfriend, right?"

Napalunok ako bago magsalita. "O-Opo," mahina kong sambit. "Bakit po, Ma'am?"

"Are you okay? Anong nararamdaman mo ngayon?" Ma'am Gia looked worried.

I smiled a bit before answering. "Medyo... medyo okay naman po ako. Thankful po ako sa mga kaibigan at kaklase ko dahil napagaan nila ang loob ko."

"That's great," she said. "Anyway, nakarating na sa guidance office ang video na nag-viral. You know what I mean, Tryze."

I know that she's pertaining on the video kung saan ako at si Clyde ang nandoon. Iyong nangyari kahapon. "And we decided that Clyde will no longer be the representative for the strand STEM."

My lips parted as she said those words. Hindi na makakasali si Clyde sa pageant? A part of me wants to be happy because he deserves it. On the other hand, parang gusto ko siyang ipagtanggol.

Fuck. Fuck this love. Nasaktan na ako no'ng tao, pero gusto ko pa ring ipagtanggol.

"W-Wala na po bang ibang paraan?" I asked. Ma'am Gia slowly wagged her head.

"Many people saw that video, Beatryze. Outsiders man o estudyante, nakita na 'yon. Kalat na kalat kayong dalawa sa social media. Hindi namin alam kung sino ang nag-post because that person was using a dummy account. But one thing's for sure, nandito lang siya sa school." Mahabang paliwanag ni Ma'am Gia. "At kung hindi namin aalisin si Clyde bilang representative sa contest, bukod sa masisira ang pangalan ng school, maraming magagalit dahil hindi namin tinatrato ng patas ang mga estudyante."

Lumapit ito sa akin at hinawakan ang balikat ko. "I know that you love her, Beatryze. But he did a big mistake. We shouldn't tolerate this. Bukod sa maaalis siya bilang representative, he'll be suspended at pwede mo rin siyang ipakulong kung gusto mo. What he did was a harrassment."

I didn't move nor talk. Hindi maproseso sa utak ko ang mga nangyayari ngayon. Totoo ba talaga 'to?

"Anyway, sasabihin 'yan mamaya sa practice pero sinabi ko na sa'yo ngayon. Go back to your seat na."

Pumasok na kami sa room. Pagkaupo ko sa upuan ko, kaagad akong tinanong ni Astrid.

"Anong nangyari?" Bulong nito sa akin. Tumingin ako kay Ma'am Gia na ngayo'y nagdidiscuss na sa harapan.

Napanguso ako at ikinuwento kay Astrid ang mga sinabi ni Ma'am Gia sa'kin. Hindi pa ito makapaniwala nang matapos ko na ang pagkukwento ko sa kaniya.

"Weh? 'Di nga?" Hindi makapaniwala nitong sambit. "Gago, buti nga!"

"'Wag kang maingay!" Pabulong na saway ko sa kaniya. "Basta ayon. Bahala na mamaya."

Mabilis lang na natapos ang afternoon class namin. Mabuti nga at puro lecture lang ang ginawa ngayon pati no'ng morning class kaya naging kampante ako. Manghihiram nalang ako ng notes kay Astrid.

"Hoy, Tryze." Biglang lumapit sa'kin si Vince, hawak-hawak na ang bag niya. "Tara na."

"Teka lang!" Sigaw ni Astrid sa likod. "Hintayin niyo ako!"

"Si Tryze ka ba?" Pambabara ni Vince kay Astrid. Natawa ako nang bahagya samantalang inirapan lang ni Astrid si Vince.

Nang matapos si Astrid na ayusin ang gamit niya ay naglakad na ito kasama namin ni Vince.

"Asan bebe mo?" Tanong ni Vince rito. Kilala kasi ni Vince 'yong boyfriend ni Astrid, which is si Yvex.

Tumingin si Astrid kay Vince bago magsalita. "Susunod daw."

Nang makarating kami sa ground kung saan magp-practice, may mga upuang nakahanda malapit sa may stage. Sinabi ni Astrid na uupo nalang daw siya roon sa bench malapit dito. Tumango nalang ako.

Naghanap kami ni Vince ng mauupuan. Umupo siya sa left side ko at bakante pa ang upuan sa kanang bahagi ko. Nakipag-kwentuhan muna ako kay Vince upang mabawasan ang pagkabored ko.

"Tryze..." Napatigil ako nang marinig ang boses na iyon. Huminga ako ng malalim at doon, nakita ko si Clyde sa harapan ko.

I arched a brow before I utter a word. "Ano?" Nanatili pa ring naka-taas ang isa kong kilay, naghihintay sa sasabihin niya.

"Let's talk. Please..." He tried to held my hand pero ako na ang nag-iwas ng kamay ko. Tumingin ako sa malayo at hindi siya pinansin.

"Wala tayong pag-uusapan."

"Tryze, sige naman na oh," tinignan ko ang paligid at nakita kong pinagtitinginan na kami ng mga estudyante. Napailing na lamang ako dahil doon. "Kung gusto mong lumuhod ako rito, gagawin ko. Kausapin mo lang ako..."

Uupo na sana siya sa bakanteng upuan na nasa kanang bahagi ko nang may biglang umupo rito. Kaagad ko itong tinignan at laking gulat ko nang makita si Kairus na umupo sa tabi ko. Pinapagpag nito ang bag niya at inayos ang butones ng kaniyang polo.

"Ano?" Kairus innocently asked Clyde when he saw that Clyde's intently looking at him.

"Umalis ka na, Clyde." Walang pakialam kong sambit. "Don't make a scene here."

Pagak itong natawa at pumunta sa likuran. Nakahinga ako nang maluwag dahil doon. Akala ko kung ano pang gagawin niya.

"Attention, representatives." The facilitator was holding a mic para marinig namin siya, since this is an open area. "I am Sir Mark, the facilitator for this pageant. I am a teacher under the STEM Strand. But before the practice begins, I would like to announce some changes."

Sir Mark cleared his throat. "Where's the participants for 12-STEM? Pwede bang tumayo muna?"

Lumingon ako sa likod at nakita kong tumayo si Clyde at Gwen. Nakatingin pa rin si Clyde sa'kin. Napailing na lamang ako at tinignan naman si Gwen. She's looking at her nails.

"You're Mr. Clyde Eros Avier, right?" Tanong ng teacher kay Clyde. Tumango lamang si Clyde bilang sagot.

"I see," Sir Mark paused. "Alam mo naman siguro ang ginawa mo kahapon, 'di ba?"

Hindi kaagad nakapagsalita si Clyde nang sabihin iyon ni Sir Mark. "What you did yesterday was a harrassment. Kalat na kalat sa social media ang ginawa mo sa babaeng kasama mo sa video." Napatigil ako dahil doon. Alam kong ako ang tinutukoy na babae. Sino pa ba?

"And because of that, the teachers have decided that you'll no longer be the representative for 12-STEM." Nanlaki ang mata ng ibang nandito sa grounds. "And, go to the guidance office. Now. Hinahanap ka ng principal."

"A-Ano?" Gulat na sambit ni Clyde. "Sir, baka pwedeng pag-usapan natin 'to–"

Hindi na nakapagsalita si Clyde dahil may mga estudyanteng lumapit sa kaniya at marahang hinawakan. Baka sasamahan sa guidance office. Napa-iling na lamang ako dahil doon.

"May nahanap na rin kami kanina na bagong papalit sa representative ng 12-STEM. Nandito na yata siya," sinubukan kong hanapin ang tinutukoy ni Sir Mark pero hindi ko naman kilala kung sino sa mga 'to.

"Sir," Gwen raised her hand. "With all due respect, bakit hindi po ako nasabihan na may changes pala?"

Kumunot ang noo ni Sir Mark at nagsalita. "Why? Involved ka ba sa gulo?"

Napalunok ako dahil doon. Mukhang magkakasagutan, ah.

"Hindi po, pero ang sa akin lang naman, partner ko po kasi si Clyde. Sana nalaman ko kaagad na may sudden changes." Sabi ni Gwen.

"Oh well, ngayon, alam mo na." Sambit ni Sir Mark. "Si Tryze lang ang unang sinabihan niyan dahil siya lang naman ang kasali sa gulo. May partner ka pa rin naman, hija. Hindi ka naman nawalan."

Tumahimik na si Gwen nang sabihin iyon ng facilitator namin. Maya-maya pa, nagsimula na ang practice. Iyong line up lang naman pala sa pag-rampa ang ginawa, dahil iyon ang importante. Maaga rin kaming natapos dahil organized at mabilis matuto ang mga nandito. Dahil doon, nagbilin nalang si Sir Mark ng mga gagawin sa pre-pageant.

"Sa pre-pageant, you should also give your best dahil doon pipili ng Top 10 na makakasali sa finals," Sir Mark said. "At individual ang Top 10 na iyon, ha? Limang lalaki at limang babae. Ilan ba kayo? Parang nasa 30 kayong lahat," napalunok ako dahil doon. Ang dami pala namin. Parang mas kinabahan ako dahil doon!

"Goodluck sa inyo. Oh, siya. Magp-practice ulit tayo sa Friday, naiintindihan ba? Pwede na kayong umalis."

Nakahinga ako ng maluwag dahil doon. Tinignan ko ang oras sa phone ko at 6:30 na pala ng gabi. Medyo late na dahil sa sobrang daming pinaalala ni Sir Mark at nagkaroon pa ng kaunting chikahan.

Tinignan ko si Kairus na ngayo'y inaayos ang gamit niya. Oo nga pala! Kaagad kong binuksan ang bag ko at kinuha ang compress bag na ibinigay niya sa'kin kahapon. Dahan-dahan akong lumapit sa kaniya. Tumikhim muna ako bago magsalita.

"Uhm, k-kuya?" I don't know kung anong itatawag ko sa kaniya. Ayaw ko naman siyang tawaging Kairus dahil hindi naman kami gano'n kaclose. Kung tatawagin ko siya sa surname niya, ang formal masyado!

Napatigil ito sa pag-aayos at tumingin sa akin. "Yes?"

I handed him the compress bag. "Ito na, oh. Salamat," I smiled a bit. He looked at the compress bag bago magsalita.

"Iyo na 'yan," he said. Napakunot naman ang noo ko dahil doon.

"Hindi ko naman na po kailangan," I honestly said. "Kaya ibabalik ko na sana."

He shrugged. "Maybe you'll need it, one day. Mayroon pa naman akong ganiyan. Kaya sa'yo na 'yan."

I pursed my lips. "S-Sige po."

"Drop the 'po'," he chuckled. "Also, don't call me kuya. We both know that we're just the same age."

"Ah, sige po–" I stopped talking when I realized what I'm saying. "Nevermind."

"Is there anything you need?" Tanong nito habang isinusukbit sa balikat niya ang backpack niya.

Grabe, nakakadugo naman 'to ng ilong! Wala pa man din akong baon na English today. Shems.

"Doon sa ginawa mo kanina," I paused for a bit. "Thank you, ha. Kung sa'yo maliit na bagay 'yon, sa'kin kasi, oo. Alam mo 'yon, ayaw ko talagang maging katabi si Clyde kaya buti nalang tumabi ka sa'kin–"

"No worries," he said. "Is he your boyfriend?"

"Ah, opo!" Sambit ko. "I mean, oo. Boyfriend ko siya."

He arched a brow. "Your boyfriend, huh..." he chuckled. "I don't think he's a good one."

"Hayaan mo na 'yon, kuya– I mean, uh... ano bang pwedeng itawag sa'yo?" Napakamot ako sa batok ko nang itanong 'yon sa kaniya. Ang awkward naman nito.

"Just call me Kairus," he simply said. "How about you? How should I address you?"

I smiled. "Tryze na lang itawag mo sa 'kin."

"Hoy, Tryze, sino 'yang kausap mo– ay, hi p're!" Ngumiti si Yvex nang makita niyang kausap ko si Kairus. Si Astrid naman, tumingin sa akin at ngumiti.

"Kaibigan mo?" Tanong ni Kairus kay Yvex. Tinuro pa ako ni Kairus kaya siguradong ako ang tinatanong niya.

Tumango si Yvex at sumagot. "Oo, eh! Ano ka ba, ako lang 'to."

Napailing na lang si Kairus sa sinabi ni Yvex. "I have to go now," paalam nito sa'min. "It was nice meeting you, Tryze." He smiled at me.

"Salamat ulit," sambit ko kay Kairus. Ngumiti lamang ito bago nagsalita.

"You can count on me," paalam nito bago umalis.