Kabanata 114: Cut

ALLYS POV

Sinulyapan ko si Leon at nakita kong prente lamang itong nakaupo doon sa may pinakagilid na table habang nakatitig sa kanyang mamahaling cellphone nang nakakunot noo.

"Sa office na muna ako, Alice," paalam ni Daniel na tinanguhan ko naman.

Nang makaalis siya ay agad namang tumabi si Mika sa akin.

"Uyy! Anong eksena iyong kanina? My god, para lang akong nanonood ng kdrama sa inyong tatlo ahh," bulong niya sa akin.

Napairap tuloy ako sa kanya nang wala sa oras.

"Tumigil ka nga diyan, Mika. Ang mabuti pa ay iserve mo na itong kape ng customer natin," sabay ayos ko sa tray na iseserve niya.

"Hindi pa ako tapos sa iyo. Iseserve ko na muna ito sandali," pakli niya at inihatid na ang kape ni Leon.

"Hai, Sir. Thank you for waiting," masiglang bati niya kay Leon na agad namang umayos sa pagkakaupo at sinulyapan ako. Sumunod naman ang mga mata ni Mika sa akin.

Mabilis ang naging pag-iwas ko ng tingin sa pwesto nila.

"Thank you," bigkas ni Leon pero ramdam ko na ang mga mata