BAYOLENTENG NATAWA ANG lalaki sa halagang sinabi ni Everly. Bakit ba? Iyon ang sa tingin niya ay presyo niya. Tinatanong siya nito ngayong sinagot ay tatawa ito na para bang imposible ang halagang sinabi niya?“Anong tingin mo sa katawan mo, ginto?” “Hindi lang ginto. Lagpas pa sa ginto.”Galaiting hinawakan na siya ng lalaki sa braso. Napapiksi na sa ginaw nito si Everly. Hindi niya inaasahan na hahablutin ng lasing na lalaki ang braso. Nanliit na ang mga mata niya. Naisip na ang arogante ng asta ng lalaking ang pangit ng hitsura.“Nagpapatawa ka ba, ha?”“Hindi. Hindi ka nga natawa di ba? Bitawan mo ako kung hindi mo naman pala kaya ang hinihingi kong halaga!” subok ni Everly na hilahin na ang braso niya.Sa halip na lumuwag ay humigpit pa lalo ang hawak nito sa kanyang braso na ikinapikon na ni Everly. “Excuse me? Bitawan mo nga ako! Sino ka ba sa akala mo na pwede akong hawakan ha?!”Pilit inapuhap ni Everly kung pamilyar sa mukha niya ang lalaki, ngunit hindi. Hindi niya ito ma
UMAALINGAWNGAW NA ANG galaiting tinig ni Roscoe na para bang papatay ito anumang oras. Laking pasalamat na lang ni Everly na walang gaanong tao dito dahil kung hindi, isang malaking eskandalo iyon na kakaharapin nilang dalawa.“Ano? Kilala mo na ba kung sino ako?!”Kinusot-kusot ni Samuel ang kanyang mga mata na nagsimula ng mangatal ang katawan nang makilala ang may-ari ng boses ng lalaking kaharap niya. Tila nahimasmasan siya at nagising sa espiritu ng alak ang kanyang bawat himaymay.“Mr. D-De Andrade?”Binalingan niya ng tingin si Everly na nasa likod pa rin ni Roscoe. Noon niya napagtanto kung sino ang babaeng iyon, si Everly Golloso; ang asawa ni Roscoe De Andrade na matayog na parang kawayan na nakatayo sa kanyang harapan!“Ayos ka lang ba?” lingon na ni Roscoe kay Everly na gulantang pa rin ang buong katauhan sa pagsaklolo ng dating asawa, hindi niya inaasahang bigla itong susulpot. Kaya naman niya ang kanyang sarili kahit na hindi ito makialam. Nagkataon lang na bigla itong
SA NARINIG NA sinabi ng dating asawa ay parang mabubulunan ng sarili niyang laway si Roscoe. Sumasalamin sa dilemma ni Everly ngayon kung paano niya noon itrato ang dati niyang asawa. “Bigla kang naging ibang tao…” Yumukod pa si Everly, naging dahilan iyon upang mahulog ang ilang hibla ng kanyang buhok sa magkabila niyang pisngi. Nadepina pa noon ang collar bone niya na mas nagpalitaw ng ganda niya. Hindi nakaligtas iyon sa mga mata ni Roscoe na titig na titig pa rin sa mukha ni Everly. Biglang sumagi tuloy sa kanyang isipan noong nasa highschool pa lang sila. Palagi siya noong napapaaway dahil isa siyang basagulero. Kada magkakasugat siya at masasaktan, palaging nariyan si Everly upang gamutin ang kanyang mga galos at sugat kahit na ang iba ay sobrang lala.“Bakit palagi ka bang nakikipagsuntukan? Gusto mo ba na palaging masakit ang katawan? Alagaan mo naman ang sarili mo. Paulit-ulit na lang. Sa sunod talaga, hindi na kita gagamutin!” Sabi lang naman iyon ni Everly, dahil kada ma
BIGLANG NAGING MAPAKLA ang mukha ni Roscoe nang makita niyang paalis na si Everly sa harapan niya dahil tinalikuran na siya nito. Oarang may sariling buhay na biglang hinablot ni Roscoe ang isang braso ni Everly gamit ang isa niyang kamay kung kaya naman biglang napalingon ang dating asawa sa kanya na pilit ginawang blangko ang mukhang ipinapakita. Inaasahan na niyang mangyayari iyon kaya kalmado pa rin.“Mr. De Andrade, may kailangan ka pa ba?” hindi man lang nanginig ang boses dito ni Everly.Rumihistro ang sobrang frustration ni Roscoe sa mukha na hindi niya malaman kung saan galing at bakit siya naiinis na ayos ang ang reaction ng dating asawa. Gamit ang mahaba niyang mga braso ay hinila niya si Everly palapit pa sa kanya na kung hindi niya nayakap ay paniguradong humampas ang katawan sa gilid ng sasakyan. Nanlaki naman ang mga mata ni Everly na napahawak na sa dibdib ng dating asawa. Muli siya nitong ikinulong sa mga bisig habang nakatuon ang nandidilim na mga mata. Paulit-ulit n
PAGKAPASOK NG PINTUAN ni Everly ay nakita niya doon nakatayo si Desmond na parang mayroong hinahanap. Hula agad ni Everly na malamang ay ang kaibigan niyang si Roscoe ito. Hindi naman nakaligtas sa mapanuring mga mata ni Desmond ang smudged nitong lipstick at ang namumulang mga mata. Doon pa lang alam niyang may ginawa dito ang kaibigang si Roscoe na hindi na lang niya gustong alamin. Gusto niya sanang abutan ito ng panyo pamunas man lang nito doon kaso nga lang ay baka mapahiya lang siya.“Kailangan mo ba ng tulong, Everly?” hindi nakatiis ay tanong na niya dahil baka may magagawa siya dito.Umiling ang babae nang hindi tumitingin dahil ayaw niyang makita ang sakit na nagtatago sa mga mata.“Nakita mo ba si Roscoe?”“Nasa parking lot.” sagot pa rin ni Everly nang hindi siya tinitingnan sa mata.Tumango si Desmond na nakaburo pa rin ang paningin sa nakayukong si Everly.“Excuse me, gagamit lang ako ng bathroom.” Sinundan siya ng tingin ni Desmond habang nakataas ang isa niyang kilay.
PINANDILIMAN PA NG paningin ni Roscoe ang lalaki nang makita niyang nakatingin ito sa kanya. Hindi inaalis ang mga mata na kinuha niya ang cellphone at tinawagan ang secretary. Nang sumagot na si Alexis ay lumabas siyang muli ng parking lot para doon ituloy itong kausapin dahil tahimk doon kumpara sa loob.“Alexis, may ipapagawa ako sa’yo. Bilhin mo ang lahat ng shares ng Castro Group sa kahit magkanong halaga at siguraduhin mong—”“Sir, sandali po bago ko sundin ang utos mo ay may sasabihin ako sa inyo.” pag[utol nito na ikinakiling na ng ulo ni Roscoe dahil hindi iyon ugali ng secretary niya; ang putulin siya. “May mas malaking problema po tayong kailangang harapin. Sa tingin ko po ay magiging problema mo ito kaya—”“Ano iyon? Bakit? May nangyari ba habang wala ako?”“Nanggaling dito si Miss Lizzy at tinatanong ang schedule mo ngayong buong araw.” “Tapos?”“Napilitan akong sabihin kung nasaan ka ngayon. Malamang papunta na iyon diyan dahil kailangan ka raw niyang makausap. Pinigila
NILAGPASAN LANG SILA ni Everly na parang walang anumang narinig at dumiretso sa kanyang sasakyan. Tahimik na sinundan ng dalawa ng tingin ang babae. Pinatunog niya ang sasakyan at sinubukan niyang sumakay na dito. Para sa kanya ay walang silbi ang apology ni Lizzy. Blangkong papel na hindi man lang niya kakitaan ng emosyon ng pagsisisi. Saka ano? Dati sila magkaibigan kaya kailangan na kalimutan na lang? Kung si Roscoe ay kaya nitong paikutin sa mga kamay niya, siya ay hindi. Nungkang kausapin niya pa ito. Alam naman niya na basta na lang niyang sinabi iyon dahil naroon si Roscoe at nakikinig o masabing nag-sorry na siya sa kasalanan niya. Hindi niya na dapat pang kinakausap ang mga ganitong klase ng tao.“Everly…” mahinang tawag na din sa kanya ni Roscoe upang kausapin siya.Akmang lalapit pa sana sa sasakyan niya si Roscoe nang hawakan na siya ni Lizzy sa kamay para pigilan. Mapang-asar ang ngiti na nilingon na sila ni Everly nang makita niya iyon sa gilid ng kanyang mga mata. As if
KINABUKASAN AY MAAGANG nagising si Everly. Iyong tipong kahit inaantok pa siya ay kinakailangan niya ng bumangon dahil may lakad nga siya. Kasalukuyang nakaharap siya sa salamin at naglalagay ng make-up habang kausap niya sa naka-loudspeaker na cellphone si Monel dahil hindi niya iyon magawang hawakan.“May sampung importanteng orders ang nakalagay sa black market cart natin ngayong umaga, Boss. Interested ka bang malaman kung ano ang kailangan nila?” may kalokohan na sa tono ng boses nito.“Ano?” nakatingin pa rin sa salamin ang mata ni Everly, patapos na siya sa paglalagay ng kanyang lipstick at pinapantay na lang iyon. Ngumiti pa siya sa sarili kung saan lumabas ang natural niyang maputing ngipin.Matingkad na pula ang lipstick niya na hindi niya madalas gamitin dahil fan siya ng light colors lang gaya ng pink, bumagay naman iyon sa mukha niya na mas naging kaakit-akit. Pinapungay niya pa ang mga mata. Ngumisi siya nang matawa sa mga ginagawa niya. Hindi niya iyon sinadyang gawin s
BAGO PA MAKAPAGSALITA si Lizzy ay pumagitna na si Donya Kurita sa mas umiinit na sitwasyon at mariin na iringan at titigan ng dalawang babae sa kanyang harapan.“Hija, hindi na kailangang humantong pa kayo doon. Huwag naman sanang ganito. Huwag kang gumawa ng eskandalo sa mismong kaarawan ko. Hmm? Ako na ang nakikiusap sa’yo, Everly…” Nakahanda na sanang pumayag noon si Lizzy, dahil alam niyang hindi iyon papayagan ng Lola ni Roscoe. Magiging kontrobersyal ang kaarawan nito. Kagalang-galang pa naman ang pamilya nila, at ang sitwasyong iyon ay magbibigay ng matinding gulo. “Sige na hija, please? Huwag niyo ng palakihin pa ang isyu sa pagitan niyong dalawa.” pakiusap na rin ng ina ni Roscoe na halatang naiinis na sa naumpisahan nilang komosyon ni Lizzy doon.Lumibot na sa paligid ang mga mata ni Everly kung saan ay masusing nakatingin sa kanila ang halos lahat ng mga bisita at naghihintay ng kakalabasan ng pag-uusap nilang apat sa gitna noon. “Ano pa bang ipinaglalaban ng asawa ng ap
BAHAGYANG NARINIG NI Lizzy ang naging pakiusap ni Donya Kurita kay Everly na palampasin na lang iyon kahit na alam nitong fake talaga ang ilan sa mga regalong ibinigay niya. Kung kaya naman pakiramdam ng babae ay siya ang kinakampihan ng Donya. Ang hindi niya alam ay ayaw lang ng matandang magkagulo sa pa-okasyon niya. Gustong samantalahin ni Lizzy ang pagkakataong iyon nang sa ganun ay makuha niya pang lalo ang atensyon ng matanda kung kaya naman gumawa pa siya ng isyu para mas palalain ang sitwasyon na kinasasangkutan nila.“Lola, hindi po fake ang iba sa mga ulasimang-bato na bigay ko. Masyado lang pong mainit ang panahon kung kaya naman nalanta na ang iba habang papunta dito.” giit ni Lizzy na talagang pinanindigan ang kasinungalingan niya upang huwag lang mas mapahiya, masama ang hilatsa ng mukhang hinarap niya na si Everly. “Alam ko ang dahilan mo kung bakit mo ako pinapahiya ngayon, Everly. Nagseselos ka lang sa akin at kay Roscoe. Di ba? Aminin mo!” malakas nitong akusa na par
HINDI NA NAKATIIS pa ang matandang Donya sa kung anong kuro-kuro ng mga bisitang naroroon patungkol sa relasyon ng paborito niyang apo. Hindi pwede na mananahimik na lang siya doon at walang anumang gagawin na harap-harapan nilang nilalait si Everly at Roscoe at kung anu-anong ibinibintang dito.“Huwag nga kayong magsalita ng walang kwenta. Maayos ang relasyon ng mga apo ko!” Nanahimik ang lahat sa tinurang iyon ng matanda. Syempre naman, sino ang maglalakas ng loob na i-offend ang isang Donya Kurita De Andrade? Siya ang kagalang-galang na ancestor ng kanilag pamilya.“Everly, hindi ka naman siguro pumunta dito ng walang dala di ba?” si Lizzy iyon na bahagya pang umubo upang kunin lang ang atensyon ni Everly na hindi naapektuhan sa alam niyang nais palabasin ni Lizzy.“Oo naman. Ako pa? Hindi naman ako pupunta dito nang wala akong regalo. Hindi ko ipapahiya ang sarili ko.” sagot ni Everly na umayos pa ng tayo upang harapin lang ang mga kuryusong mata ng mga bisita roon.“Kung ganun
MARAHANG TINAPIK NG matanda ang ulo ni Desmond, dahilan upang kumalas na ito ng yakap. Para sa matanda ay hindi na rin ito iba sa kanya na kung ituring ay parang sariling apo na rin.“Ikaw naman, kailan mo ipapakilala sa Lola ang girlfriend mo ha? Hindi ka na bumabata hijo. Dapat sa taong ito ay magpakasal ka na at bumuo na ng iyong magiging sariling pamilya. Hmm?” Napakamot na si Desmond sa kanyang batok. Nahihiyang iniikot na ang paningin sa paligid. “Lola, bakit mo naman ako minamadaling mag-asawa? Hindi pa ako sawa maging binata. Dapat pala hindi na lang ako nagpakita sa’yo, tuwing nagpapakita ako palagi mo akong minamadali eh.”“Eh ano pa bang hinihintay mo? May pera ka na, stable na trabaho. Bakit ayaw mo pang lumagay sa tahimik at humanap ng magiging asawa ha? Bigyan mo na ako ng apo sa’yo, Desmond…” Natawa si Desmond na halatang bored ang Lola ng kanyang kaibigan kung kaya naman siya ang pinagtri-tripan. Mukha rin na wala pa doon si Roscoe kung kaya naman siya ang kinukulit
NAPATDA NA ANG mga mata ni Lizzy sa likod ng matanda na nagkukumahog na magtungo sa pintuan upang salubungin si Everly. Bagama't nakahinga siya sa pressure na nararamdaman niya kanina, pakiramdam niya ay nabastos pa rin siya na siya ang kaharap pero nang marinig ang pangalan ni Everly, kulang na lang ay liparin nito ang daan patungo sa labas upang sumalubong. Hindi niya tuloy mapigilan na makagat ang labi habang ginagala ang mga mata sa paligid nila. Nakuha na rin ng pangalan ni Everly ang atensyon ng ibang mga bisitang naroroon. Ano ba ang mayroon ang Everly na iyon? Mukhang mas mahalaga ang presensya ng babaeng iyon sa herbal.‘Kahit kailan, mang-aagaw ka talaga ng spotlight, Everly!’ Dahan-dahan bumukas ang pintuan ng venue kung saan ang lahat ng mga mata ay nakatuon, maging ang live camera ng mga media na pumunta na kanina ay nakatutok lang kay Lizzy. Nang makita ang pagpasok doon ni Everly, napahinga nang malalim ang halos lahat ng bisita at maging ang kanilang mga mata ay puno
SA GILID NI Lizzy ay nakatayo ang kanyang kasamang assistant na may tulak na malaking box kung saan nakalagay umano ang regalo nitong ulasimang-bato. Dalawang daan ang kulang nito, gayunpaman ay hindi iyon alintana ng babae na nakataas pa ang noo. Nang makita iyon ng mga naunang bisita ay agad na silang napatayo upang makita lang ang dala ni Lizzy na ayon sa balita ay aabot ng limang daan ang bilang. Upang punan ang kakulangan sa bilang, gumawa ng paraan si Lizzy na magawang limang-daan iyon kahit na ang karagdagang dalawang daan ay pawang mga peke. Mariing tinikom ni Lizzy ang bibig. Sumidhi pa ang kaba niya nang makitang tumapat na sa kanya ang live camera ng naturang event. Ngumiti naman si Donya Kurita sa ginawang pagbati ni Lizzy sa kanya.“Gaya po ng pinangako ko, narito ang ulasimang-bato na may bilang na limang daan, Lola Kurita.”Nagsimulang magbulungan ang mga taong naroon. Mga bulungan na hindi nakaligtas sa matalas na pandinig ni Lizzy na lalo pang na-conscious na noon.“A
NAMILOG PA ANG mga mata ni Lizzy na taliwas sa hitsura ng waiter na malapad na ang ngiti sa kanya. Inilabas nito ang listahan ng wine na umano ay nabuksan at ini-abot na iyon kay Lizzy. “Heto po ang listahan ang ng mga wine na nabuksan. Kailangan niyo po itong bayaran.”Pahaklit na kinuha ni Lizzy ang listahan ng papel at mas lumaki pa ang mata niya sa halaga noon. Pitong bote ng wine ang nabuksan at ang halaga noon ay makahulog panga rin ang laki. Oo, mayaman siya ngunit hindi niya mapigilan na magulantang sa nakadeklarang halaga noon.“Ano po ang gagamitin niyo Miss Rivera? Card or cash?” Dumilim na ang mukha ni Lizzy. Hindi na niya kaya pang magpanggap na okay lang ang lahat. Nilamukos niya ang listahan ng mga bote ng alak na nabuksan. Nagtaas at baba na ang kanyang dibdib. Hindi na maayos ang kanyang pakiramdam ng mga sandaling iyon at makikita na iyon sa kanyang mukha. Hindi na niya kayang magpanggap pa na ayos lang sa kanya ang lahat ng iyon.‘Humanda ka sa akin, Everly! Talag
MAKAILANG BESES NA umiling si Lizzy at gamit ang nangangatal na kanyang kamay ay tinawagan na ang kanilang tauhan upang malaman kung ano ang nangyari sa conversation nila ni Lord S. Imposible na wala itong history gayong kausap niya nga ito. Doon niya napag-alaman na naka-blacklist siya umano sa black market ng S Camp. Nanatiling nakatayo pa rin si Everly doon na pinagmamasdan ang pagkataranta ni Lizzy. Medyo nakakaawa ang hitsura nito pero sa palagay niya ay deserve ng babae ang mapahiya sa mismong harap niya dahil sa kahunghangan.“Lizzy—” “Shut up, Everly!” malakas niyang sigaw na sa kanya na binunton ang galit at sama ng loob. “Pwede ba huwag ka ng dumagdag pa?! Umalis ka na nga sa harap ko!” turo pa nito sa pintuan. “Alam mo Lizzy, ayos lang naman sa akin kung aaminin mo na hindi mo talaga kilala ang Lord S na iyan eh. Sa iyo na nga galing na hindi basta-bastang normal na tao si Lord S kung kaya mahirap itong makita, huwag mo ng ipilit. Naiintindihan kita. Sobrang desperada ka
ILANG ULIT NA napakurap ng kanyang mga mata si Lizzy. Nang sulyapan niya ang orasan, twenty minutes na ang lumipas. Mariin niyang kinagat ang pang-ibabang labi lalo na nang makita niyang titig na titig sa kanya ang mga mata ni Everly na naghihintay ng magiging sagot niya. Napalunok na siya ng laway. Pilit na kinakalma ang kanyang sarili dahil baka mamaya ay hindi na naman siya siputin ng sinumang Lord S na ‘to.“Maghintay ka. Kung hindi ka na makapaghintay, pwede ka naman ng umalis.” mataray niyang sagot.Nagkibit ng balikat si Everly na sa halip na tumayo ay inayos pa ang kanyang pagkakaupo. “Bakit ako aalis? Wala rin naman akong gagawin ngayon. Hihintayin ko na lang siya.” Napalabi na si Everly na pilit pinigilan ang mapangiti dahil para siyang shunga na hinihintay ang kanyang sarili na dumating doon. Siya si Lord S kaya nakakatawa talaga ang mga pinagsasabi ngayon ni Lizzy dito.“Alam mo Everly, nawe-weirdu’han na talaga ako sa’yo. Hindi naman lingid sa kaalaman mo ang relasyon n