CHAPTER 42

DIVINA

Habang nasa mall sa loob ng isang botique, abala siya sa pamimili sa mga naka display na pares ng alahas. Ang totoo, hindi naman s'ya mahilig gumamit ng mga ito, subalit alam niya na kakailanganin niya ito ngayon para sa bagong imahe na binuo niya sa sarili. Isa pa, gusto rin niya na mamili ng mga alahas na balak niyang iregalo sa kambal. Gusto niya na mapalapit sa mga ito ngayon pa lang upang hindi siya mahirapan kung sakali na lumantad na s'ya sa mga ito. Bahagi na ito ng mga plano niya, ang kunin ang loob nilang lahat.

"Miss, pwede ba na tingnan ko ang dalawang ito?" aniya sa saleslady habang nakaturo sa dalawang set ng alahas. May isa rin na naka agaw sa kanya ng pansin na gusto niya para naman sa kanya. "At saka iyon na rin." sabay turo pa sa isa.

Inilabas lahat ng saleslady ang kanyang hiniling. Masusi niya itong tinitigan na may ngiti sa mga labi. Natitiyak na niya na magugustuhan ito ng kambal kung sakali.

"Sige, Miss, kukunin ko ang tatlon