CHAPTER 48

Maaga pa lamang kinabukasan ay excited na naghanda sina Kylie at Kate para sa kanilang outing kasama sina Divina. Sa enchanted kingdom ang napili nilang puntahan upang mas ma-enjoy nila sa mga rides.

"Are you sure, Dad, Ms. Divina will come with us?" galak na tanong ni Kate. Magmula ng makilala nito si Divina ay hindi maitatanggi na gusto ito ng bata. Hayag ang pagpapakita nito ng interes kay Divina, si Kylie naman ay tahimik lamang ngunit palaging umaayon sa kakambal.

"Yes! At nangako naman s'ya na sasama sa atin. Didiretso tayo sa bahay nila at susunduin na rin sila."

"Sila? Means may kasama pa tayo na iba maliban kay Ms. Divina, Dad?" usisa ni Kylie.

"Yes! Kasama rin natin ang baby n'ya. Kaya lang ngayon nagpapagaling pa lamang s'ya. At soon mami meet n'yo rin si Tina."

"So, Tina her name?" si Kate.

"Uhuh!" Sabay tango ni Red.

"I'm sure na mabait din s'ya, Dad, kagaya ng mommy n'ya!" hindi napigil na sabi ni Kate.