Chapter 8 "First kiss"

NAUPO si Zarah sa kaibayong upuan at tinitigan ito ng matagal habang kumakain. Hindi naman ito nailang sa kanya. Hindi pa siya nakontento. Kinuha niya ang towelette nito sa leeg at pinunasan niya ito ng pawis sa mukha. Napatingin na naman tuloy ito sa kanya. Tila nagulat sa kanyang ginawa. Ngunit, hindi niya pinansin ang pagkagulat nito bagkus ay tuluy- tuloy lang ang kanyang pagpunas rito.

"Bakit hindi mo subukang magka- girlfriend para may mag-aasikaso sa'yo?" Hindi na niya napigilang sabihin dito ang kanina'y ng kanyang isip. Subalit ay wala pa ring sagot mula rito.

Ngunit nakatitig na ito sa mukha niyang unti- unti na niyang inilalapit sa mukha nito.

"Ang magiging girlfriend mo ang mag- aadjust, Luke," marahang sabi niya. "Maiintindihan niya maski na hindi mo siya gaanong mapagtuunan ng pansin. Ang mas mahalaga sa kanya ay ang matawag na girlfriend mo. Tutulungan ka pa niya sa lahat ng gusto mong gawin. Susuportahan ka niya. Gagawin niya lahat para sa'yo. Ganoon ang magigin