Chapter 76

LUMABAS kami sa tamang palapag. Ang mga nasa tanggapan ay bumati agad para sa amin. I nodded and greeted them back habang panay lang ang sunod ni Elyes sa akin. Kahit pa noong pumasok na ako sa opisina ko ay nakasunod parin siya.

Agad na umalis si Daphne. Nagtimpla siya ng kape at hinatid niya iyon pero nang nakitang kasama ko si Elyes ay nagkukumahog nang umalis ito sa silid. Ano kayang utos nitong isang ito at bakit ganoon?

Mabilis naman ang lakad ko patungo sa swivel chair ko. Sinara ni Daphne ang pintuan. Bago pa lang ako makaikot sa lamesa ay hinigit muli ni Elyes ang palapulsuhan ko.

"Ano ba?!" pagalit kong sinabi dahil kanina niya pa ginagawa sa akin 'to.

Bago ko siya masimangutan ay napatili na ako. Parang bumaliktad ang sikmura ko sa takot. Napakapit ako sa kanyang braso. Walang kahirap-hirap niya akong inangat sa baywang. His massive hands maneuvered the move. Nilapag niya ako sa aking mesa, marahas na inalis ang mga dokumentong naroon.

"What the hell are you doing, Elyes!"