Chapter 106-Palabas

"Bakit hindi ka makasagot? Nasaan na ang kapatid ko?" angil ni Vans sa lalaking kausap.

"Si-sir, kanina ko pa po hindi makuntak si Tikboy." Nautal ang lalaki at natakot kay Vans.

Nanlisik ang mga mata ni Vans at sinuntok sa mukha ang lalaki dahil sa galit. "Bobo, bakit hindi mo agad sinabi sa akin? Gumawa ka nang paraan at alamin kung saan niya dinala ang kapatid ko matapos gawin ang trabaho niya sa silid!"

Sapo ang mukha at tarantang tinawagan muli ng lalaki si Tikboy. Ito kasi ang nagpanggap na isa sa waitress na kasama ni Stella kanina sa pagdala kay Mauro sa isang silid.

Sinindihan ni Vans ang sigarilyo at biglang hindi mapakali. Hindi alam ng kapatid niya itong ginawa niya kaya pinaubaya niya sa tauhan ang paglayo dito sa gulong mangyayari.

"Sir, nasa third floor na po sila!" Anunsyo ng lalaking nasa harap ng monitor.

Tumutok ang tingin ni Vans sa screen at ang unang napansin ay ang dugo sa sahig.

Lahat ng taong nakatingin sa screen monitor ay kinabahan nang mapansin ang dugo sa