Kabanata 1669

“May nangyari ba?” Malambing na tanong ni Zayn. “Bakit ka umiiyak?”

“Zayn, magpakatotoo ka nga sa akin…Sobra ba yung ginawa ko kanina?” Tanong ni Tessa.

Hindi nakasagot si Zayn. Sa totoo lang, para sakanya, sobra nga yung ginawa ni Tessa kanina.

Dahil hindi sumagot si Zayn, nagpatuloy si Tessa. “Alam ko naman na karamihan ng ibang tao ay sasabihin sa akin na nanay ko pa rin siya kahit anong mangyari kaya dapat hindi ako ganun kasama sakanya. Pero alam ba nila kung ano ang pinagdaanan ko? Lumaki ako ng walang nanay. Nasaan siya noong kailangan ko ang yakap niya? Wala… Mag isa lang ako habang pinapanuod kung paano asikasuhin ng ibang nanay ang mga kaklase ko. Hindi ko na mabilang kung ilang gabi akong umiyak hanggang sa makatulog ako kasi sobrang dami kong tanong na walang kasagutan. Sinanay niya akong mabuhay ng wala siya, at ngayong kaya ko na ang sarili ko at hindi ko na siya kailangan ay bigla siyang babalik? Para ano? Para saktan nanaman ako? Kaya sabihin mo nga sa akin… mali b