Kabanata 1210

Halos hindi makatingin si Old Master Shaw kay Gloria, na may dalang ravioli, “Gloria, Gloria…”

Hindi makapag salita si Gloria.

Noong oras na yun, galit ang naramdaman niya na para bang gusto niyang ibato sa mukha ni Old Master Shaw ang hawak niyang ravioli.

Pero pinigilan niya ang sarili niya, “Paano ka nakapasok dito?”

Pinunasan ni Old Master Shaw ang pawis sa noo niya at sumagot, “Ka..kanina pa ako sa labas…Naririnig ko kayong nagtatawanan kaya bandang huli, hindi ko na napigilan ang sarili ko na pumasok.

“Wala naman akong planong manggulo, nasa loob lang ako ng sasakyan ko… Hindi ako bumaba kasi alam kong magagalit ka… Nakalayo na nga ako kanina eh…”

“Bakit bumalik ka pa?”

Noong nakita ni Old Master Shaw kung gaano kagalit si Gloria, hindi na siya nakapag salita.

“Sumagot ka! Bakit bumalik ka pa?” Galit na sigaw ni Gloria.

Dahil dito, sila Sabrina na nagtatawanan sa loob, ay biglang napatakbo palabas.

Noong nakita nila si Old Master Shaw, kagaya ng naramdaman ni G