Kabanata 708

Itinaas ni Lucas ang kanyang mga manggas at sinabing, “Mama, parehas kami—”

“Hindi pwede. Masyado ka pang bata para magbigay ng dugo,” pagtitigil sa kanya ng doktor. “Kailangan ng halos 500 milliliters ng dugo ng pasyente. Kahit ang mga matatanda’y hindi rin kakayaning magbigay ng gano’ng karaming dugo. Tiyak na mawawalan ng malay ang isang batang tulad mo. Nasaan ang ama ng bata?”

“Ama?” Kinuyom ni Catherine ang kanyang mga kamao. Kapag nalaman ito ni Shaun ay tiyak na ihihiwalay niya ang dalawang bata sa kanya.

Sa puntong iyon ay hinila ni Lucas ang kamay ng ina. “Mama, pwede tayong humingi ng tulong kay Tito Liam. Narinig ko noon na sinabi niyang pare-parehas kami ng blood type ni Suzie.”

Matapos niyang matigilan nang panandalian, agad na tinawagan ni Catherine si Liam.

Sa loob ng sampung minuto’y nagmamadaling pumasok si Liam.

“Ano’ng nangyari kay Suzie? Noong nalaman ko agad na may nangyari sa kanya, mga walong red light ang hindi ko sinunod para lang makarating agad dito.”