Chapter 3

CHRISTINE

Nasa bahay ngayon si Bea at sabay kaming nag-aayos para sa JS Prom. Kami lang dalawa ngayon ang nag-aayos sa isa't isa at hindi na ako kumuha ng stylist kasi ayaw ko rin naman magpaayos sa mga di ko kakilala. Inaayos ngayon ni Bea ang buhok ko at heto naman ako, nakatingin lang sa sarili ko sa salamin at hindi makagalaw.

"Napakaspecial ng araw na ito no? JS Prom natin tapos February 29 ngayon. Araw na every 4 years lang natin nararanasan," sabi ni Bea pero inirapan ko lang siya. Ano naman ngayon kung leap year? What makes it special?

Tatanungin ko na sana siya ng biglang mag beep yung phone ko. Di ko naman maabot kasi na sa kabilang table na medyo malayo sakin.

"Ako nang kukuha. Wag ka ng gumalaw diyan baka masira pa yang buhok mo," sabi niya sa at kinuha yung phone ko at iniabot sa akin.

I'll wait 4 u at d entrance para sabay tayo pumasok. - Received from an unknown number, 2:34 PM

Kainis.

Agad kong dinelete yung message at pinindot yung block button.

"Bakit mo blinock? Eh, gagawa't gagawa rin naman siya ulit ng paraan para macontact ka niya," sabi ni Bea.

Oo nga naman. Bea is right. This Kent guy has really gotten into my nerves these past few days. From an obsessed admirer, professional stalker na siya ngayon. Ewan ko ba pero simula nung na kita ko siya in person, parang feeling niya kami niya. I don't know kung saan niya nakuha yung number ko pero he's really annoying. Ilang beses ko na siyang blinock, pero may bago na namang number na mag tetext sa akin only to find out na siya ulit yun.

"Hay nako Tine. Grasya na yung lumalapit sa iyo no. Who would have thought na yung Kent palang palaging nagpapadala ng letters sayo ay ang Campus King na si Kent Cruz! My Gosh Tine, yung heartthrob na kinababaliwan ng lahat is into you," sabi niya.

"So what? Grasya na siya nun?" pagsusungit ko naman.

Akala ko titigil na Bea pero mas lalo pa niya akong inasar sa mg ngiti niya.

"As if papatulan ko siya! He's not even accelerating in his academics. He's from the last section," sabi ko naman pero pinagtawanan lang ako ni Bea.

"Well, at least he's well known in his extra curricular activities. Ang galing niya kayang tumugtog ng musical instruments," sabi niya pero inirapan ko nalang siya ulit.

"Whatever. I still won't date him," sabi ko pero tumawa lang siya. "Hays! Kanino ka ba talaga kampi Dun sa Kent na yun o sakin?" Tanong ko dahil naiinis na ako.

"Of course Tine, sayo ako kumakampi. What I am saying is that bigyan mo naman ng interest yung love life mo. Malay mo, in denial stage ka lang ngayon pero deep inside your heart, gusto mo pala ng someone na magmamahal sayo," sabi naman niya kaya napaisip ako.

Totoo kaya ang mga sinasabi ni Bea? What if totoo?

"No way," sabi ko nalang ng mahina.

"Hay nako, denial queen ka talaga! Bilisan na nga natin para matapos na baka malate pa tayo!" sabi naman niya.

In denial nga ba ako? Or am I just confused with my decisions?

KENT

Ano ba naman yan? 11:30PM pa raw mag-eend yung program? Di ba nila alam yung salitang curfew? Kainis naman oh, gusto ko ng umuwi. Nawalan na ako ng gana na magstay dito sa Prom.

Eh pano ba naman kasi, ang aga aga kung pumunta dito sa venue. 6:30 pa magsisimula pero alas 5 pa lang nandito na ako. Hinihintay ko kasi sa entrance si Christine. Tinext ko siya kanina na sabay kaming papasok pero nung dumating na siya, sila nung kaibigan niya yung magkasamang pumasok. Ni hindi man lang siya lumingon lingon kung nandito na ba ako oh wala. 

Hays, kainis naman oh. Andito na lang ako ngayon sa rooftop, nagpapahangin habang pinapalipas ang oras. 9:49 palang, ano ba yan. Kung umuwi nalang kaya ako? Tama, mas ok pa sa bahay! Akmang aalis na sana ako ng makita ko yung mga kaibigan kong papalapit.

"Oy pare, nandyan ka lang pala. Kung saan saan ka namin pinaghahanap," sabi ni Ethan na biglang sumulpot sa tabi ko at inabutan ako ng isang baso ng alak.

"Allowed ba 'to dito?" tanong ko naman at mabilis na ininom ito.

"Syempre hindi. Pero ayos lang yan, tayo tayo lang naman dito sa rooftop eh," tugon naman ni Augustus na parang nalalasing na.

Hays, kahit papaano, mukhang sasaya naman ang gabi ko.

CHRISTINE

Hindi ko inaakalang mas boring pa pala sa inaakala ko itong JS Prom. Kung pwede lang sanang umuwi na kaso sinabi ko na kay manong Jose na 11:00 PM pa ako magpapasundo eh. Di ko rin naman siya matawagan kasi baka malowbatt na yung phone ko. Kanina pa ako naglalaro ng Papa's Freezeria sa sobrang pagkabored ko kaya heto 1% nalang. Well, at least inagahan ko ng 30 minutes yung pagpapasundo ko.

"Tine, samahan mo ako sa cr please naiihi ako eh," sabi sakin na Bea.

"Sure tara," sagot ko naman at pumunta na kami sa cr.

Pagdating namin, agad namang pumasok si Bea. Ihing ihi na talaga siguro siya. Kanina pa kasi siya inom ng inom nung unlimited 4 seasons sa buffet table.

"Sa labas lang ako maghihintay ha," sabi ko naman at tinignan muna ang mukha ko sa salamin bago lumabas.

Medyo haggard na talaga ako, ano ba yan!

Nakatayo lang ako sa labas ng cr habang hinihintay si Bea ng may makita akong isang double door na naka bukas doon sa gilid ng kabilang corner. Nung nakalabas na si Bea, agad ko naman siyang tinanong kung para saan yung pintuan na iyon.

"Ah yan ba? That's the door papuntang rooftop". Sabi naman niya.

"Let's go up there!" Sabi ko naman.

Parang mas magandang magpahangin nalang sa isang open space kaysa naman bumalik doon sa hall na sobrang boring.

"Bakit? Wag na! Balik nalang tayo sa loob," sabi niya.

"Please, saglit lang. Gusto ko lang talaga magpahangin," sabi ko naman at nagpout sa kaniya.

"Hays. Sige na nga," Sabi naman niya.

Tinignan ko ang oras at nakita kong 11:06 na pala. Well, hindi pa naman nagtetext si Manong Jose eh kaya ayos lang. Makikita ko naman siguro galing sa itaas kung andyan na ang sasakyan.

Pagdating namin sa itaas, napahanga ako sa ganda ng langit. Andaming bituin at the moment. At least, napasaya ako ng view ng sky ngayon.

Naglakad lakad pa kami ni Bea ng may mapansin akong 3 lalaki na parang nagtatawanan.

KENT

"P-pre Kotse k-ka ba?" utal utal na tanong ko kay Augustus. Ngayon ay nararamdaman kong lasing na ako.

"B-bakit?" sabi naman ni Augustus na para bang sinisinok.

"Kasi...k-kasi ang engles ng kotse ay...ay car! Haha!" Sigaw ko naman sabay tawa ng napakalakas. Hays, hindi ko na mapigilan ang mga salitang lumalabas sa bibig ko.

Tawa lang kami ng tawa nang may mapansin ako sa likuran na tatlong babae. Nilapitan ko ang mga ito at laking gulat ko ng nakita ko ang 3 Christine sa harapan ko.

"Oy kayong tatlo, ang gaganda niyo ha!" sabi ko.

Pinikit ko ang aking mata at binuksan muli pero mas nagulat ako ng naging isa nalang siya.

"I-ikaw n-nalang mag-isa ngayon yieee," sabi ko sabay tawa. Kahit medyo blurry, nakiita ko namang inirapan niya lang ako.

"Bea. Tara na nga. Lalong nakakasira ng gabi yung mga tao dito eh," sabi niya dun sa kaibigan niya at akmang aalis na sana pero pinigilan ko siya at hinawakan yung kamay niya.

"Bitawan mo ako! Ano bang problema mo sa akin?" Sigaw naman niya kaya binatawan ko nalang siya.

"Ikaw ang d-dapat kong tanungin niyan! A-ano ba kasi problema mo sa akin? Ano bang ayaw mo sakin? Bakit di mo ko gusto ha?" Mabilis na sabi ng aking bibig. Ewan ko ba pero hindi ko na talaga mapigilan yung mga lumalabas sa bibig ko. Nararamdaman ko rin na lumalakas yung tibok ng puso ko.

Gusto ko ng tumalikod pero ayaw tumigil ng bibig ko. "Alam mo, sana maramdaman mo yung nararamdaman ko ngayon! S-sana mapunta ka sa sitawasyon ko! S-sa posisyong ito na nabubusted! Sana mapunta ka sa kalagayan ko para alam kung gaano 'to ka-frustrating!" Nang matapos kong sabihin iyon lahat, nahilo na lamang ako bigla at muntik ng mahiga sa sahig. Mabuti na lamang at inalalayan ako ng mga kaibigan kong hindi pa gaanong lasing.

CHRISTINE

Aba? Bakit? Siya lang ba ang nahihirapan sa pagiging obsessed niya? Narinig kong nag notify yung phone ko pero di ko muna iyon pinansin dahil hinarap ko muna si Kent.

"Oh well, bakit feeling mo nasisiyahan ako? Alam mo? Sana mapunta ka rin sa kalagayan ko! Sana mapunta ka sa sitawsyon ko na may isang lalaking obsessed na obsessed sa akin na nakaka annoy na! Sana maranasan mo rin yung feeling na naiinis kana sa isang tao kasi hindi siya maka intindi katulad ng nararanasan ko ngayon!" Pagkatapos kong sabihin iyon, kaagad naman akong nagwalk out at sinundan naman ako ni Bea na halatang speechless. Kinuha ko yung phone ko at tinignan yung notification.

Ma'am, na sa baba na po ako --- Message received from Manong Jose, 11:11 PM

Hay salamat at nandito na rin si Mang Jose. Kaagad naman akong nagpaalam kay Bea at saka lumabas na. Sinenyasan ko si Mang Jose at kaagad naman niya akong nakita. Ng papalapit na ako sa sasakyan, naramdaman kong bigla na lamang akong nahilo. Mabilis naman akong nakasakay sa kotse. Pinaandar na ito ni Mang Jose ngunit nararamdaman kong unti unting nawawala yung tunog ng makina at sa halip ay lumalakas yung tunog na nagmumula sa Venue. Mas lalo pa akong nahilo at ilang segundo pa, ay dumilim na paningin ko at nawalan na ako ng malay.

KENT

Hindi ko inakalang ganito kaganda ang magiging panaginip ko. Sa kwarto daw ako ni Christine natulog buong gabi. Nagkuwentuhan daw kami na para bang ang saya saya namin. Sa isang iglap ay bigla nagpalit ng scene yung panaganip ko. Parang bumalik yung gabi sa JS Prom na nasa rooftop kami ng mga kaibigan ko. Nakita kong papalapit si Christine ngunit sa bawat yapak niya papalapit sa akin ay parang unti unti siyang naglalaho kasabay ng panaginip ko at lahat ay unti unting napapalitan ng tunog ng isang alarm clock.

Unti unti kong inimulat ang aking mga mata at nakitang parang nag iba yung kwarto ko. Kelan ko ba pinapalitan yung kurtina? Unti unting lumiwanag yung paningin ko at nakita kong yung kwarto ay parang yung kwarto ni Christine sa panaginip ko. 

Dito ba talaga ako natulog? Nagulat ako ng makita ko ang mga picture frame sa gilig ng kama na naglalaman ng lahat ng mga litrato ni Christine kasama ang iba't ibang tao. Napansin kong tumutunog pa rin yung alarm clock kaya agad ko naman itong pinatay. Akmang tatayo na sana ako pero may isang bagay pang lalong ikinagulat ko ng sobra.

B-bakit s-suot ko yung gown ni Christine kagabi sa Prom?

CHRISTINE

Nadevelop ko na ata yung attitude na ganito. Nagising ako kahit hindi tumunog yung alarm clock ko. Gumigising kasi ako ng alas 4 ng madaling araw para mag jogging sa lawn. Akmang babangon na sana ako ng biglang sumakit yung ulo ko at parang nahihilo pa. Parang yung feeling ng hang-over. Hindi naman ako uminom kagabi ah! Unti unting lumiwanag yung paningin ko at nakitang iba yung kulay ng kisame ko. Agad akong bumangon at nakitang wala talaga ako sa kwarto ko ngayon. Naalala ko namang bigla nalang akong nawalan ng malay kagabi kaya napaisip ako, marahil ay inuwi nalang muna ako ni Bea at sa guestroom nila pinatulog. Baka nga.

Nararamdaman ko pa rin yung kirot sa ulo ko ngunit nakayanan ko namang tumayo. Nagulat ako ng makita kong parang suit yung suot ko. Agad akong tumakbo papunta sa nakita kong malaking salamin sa kwarto at napasigaw ako sa sobrang pagkagulat nang makita ko ang na sa salamin.

"B-BAKIT P-PAGMUMUKHA NI KENT YUNG NASA SALAMIN!"