[PART TWO]

“NASAAN ang asawa ko?!”

Naalarma si Kathy ng dali-daling lumapit si Tanner kay Brandon na kagigising lamang at masakit pa ang ulo. Kinuwelyuhan ito ni Tanner kung kaya hinawakan niya ang kamay ng kaibigan at sinubukan na pigilan.

“Tanner ano ka ba! Wala dito si Anastasia! Bitawan mo ang asawa ko!” pigil niya dito ngunit hindi nakinig si Tanner. Si Brandon naman ay parang doon palang natuhan at naalala ang nangyari bago siya tuluyang makatulog.

‘Si Anastasia!’ sigaw nito sa kaniyang isipan at gulat na napatingin kay Tanner.

“Alam ko na dito siya pupunta at sasabihin sa’yo ang tungkol kay Bella!” sigaw muli ni Tanner at binitawan ang kwelyo ng lalaki pagkatapos ay inilabas ang papel na dala at hinagis niya ito sa kaibigan.

Napatingin naman doon si Brandon at naalala niya ito, ang sulat na pinabasa sa kaniya ni Anastasia.

“W-Wala dito si Anastasia! Oo nanggaling siya dito kanina pero pinatulog niya ako Tanner! Ang sabi ko sa kaniya ay kailangan mo ‘tong malaman pero hindi siya