Kabanata 34

“Kung ganun ay sino iyon?”  puno ng tsismis ang mukha ni Jared nang itanong iyon.

“Hindi mo siya kilala.”

Lumabas ng opisina si Jared na puno ng pag-aalinlangan nang wala ng masabi kay Andrew. Punong-puno pa rin ng pagkalito ang kanyang mukha. Iniisip kung sino ang tinutukoy na girlfriend ni Andrew. Kailangan niyang malaman kung sino ang babae.

“Mr. Salazar...”

Lumapit si Joriel nang makita siya. Nakabalandra sa labi ang friendly na ngiti.

“Ihahatid na kita sa labas.”

Umiling si Jared at itinuro ang isang sulok kung saan patungo iyon sa table ni Angelica.

“Hayaan mong siya ang maghatid sa akin.”

Napalingon na ang lahat sa banda ng babae na agad nakatanggap ng bagyo ng mga mata mula sa lahat ng mga nakarinig. Sa ilalim ng nakamamatay na mga mata ni Joriel ay suklam na suklam na siya sa babae. Agad namang tumalima si Angelica sa utos sa kanya. Pinindot niya ang elevator button at sumakay na doon kasama si Jared.  Nang sumara ang pinto ng elevator, nagtanong si Jared.

“Ano ang