Kabanata 54.2

Kabanata 54.2

Isang malakas na putok ng baril ang umalingawngaw sa gitna ng kagubatan. Napayuko sina Noemi, Cindy, Fajardo at Sevi.

“NOEMI!”

Nanlaki ang mga mata ni Cindy. “Kilala ko ang boses na ‘yon!”

“NOEMI, LUMABAS KA! ALAM KONG NAGTATAGO KA SA LIKOD NG MGA DAMONG ‘YAN. IBIGAY MO SA AKIN SI CINDY KUNG GUSTO MO PANG MAKITA ANG ANAK MONG SI MEREYA!” Mabilis na lumapit si Linda kasama ang mahigit sa sampu niyang tauhan patungo sa kinaroroonan nina Noemi.

Humawak si Cindy sa braso ni Noemi at umiling. “Pakiusap, huwag mo akong ibibigay sa baliw na ‘yon,” bulong niya habang nangingilid ang kaniyang mga luha.

“Sa tingin mo ba ay isasama kita sa pagtakas kung may balak akong ibigay ka sa kaniya? Gamitin mo nga ang utak mo, Cindy,” iritang tugon ni Noemi.

“Miss Hiraya, papalapit na po sila,” ulat ni Fajardo habang inihahanda ang sarili. May hawak siyang dalawang bariL.

“Ano bang kailangan ng baliw na ‘yan sa akin? Bakit gusto niya akong mabihag?” wala sa sariling turan ni Cindy. Nangingin