Kabanata 53.4

Kabanata 53.4

“Senior, bakit po tayo naririto?” wala sa sariling tanong ni Set habang bumababa sa eroplano.

“Nasaan na ang ating ibang mga tauhan?”

Napakamot sa kaniyang ulo si Set nang sinagot siya ng isa ring katanungan ng kaniyang matandang amo. “Paparating na po, senior. Ano po bang nangyayari? Bakit po tayo napunta sa lugar na ito?” Hinampas niya ang kaniyang braso nang may kumagat na lamok sa kaniya.

“May hinihintay lang akong kaibigan ng isa kong dating kaibigan,” matipid na tugon ni Don Vandolf.

Kumunot ang noo ni Set. Sinundan niya ang tingin ng matanda. Nakatingin tingin ito sa kalapit na isla. ‘Sino na namang poncio pilato ang tinutukoy ni senior?’

“Tawagan mo si Dos. Pakisabi sa kanila na pakibilisan ang kanilang pagresponde. Mahalaga ang bawat segundo,” mahinang sabi ni Don Vandolf.

Mabilis na tinawagan ni Set sina Dos na ngayon ay naglalakbay na papunta sa nasabing isla mula sa El Nido.

“Sino ba kasi ang nagsabi sa kanilang doon sila mag-landing? Kinakailangan na ng agar