Kabanata 2476

Tumaas ang isang kilay ni Fane nang bigla niyang tinanong si Rudy, "Nakikita mo ba kung nasa anong realm ang lakas ko?"

Sandaling nabigla si Rudy bago siya tumingala. Ginamit niya ang pakiramdam niya para sukatin ang lakas ni Fane nang ilang sandali, bago sa huli ay naiilang na nanginig ang mga labi niya.

"Hindi mo kaya! Pero ano naman ngayon?" mayabang na singhal ni Rudy. "Kahit gaano ka pa kalakas, malamang ay nasa middle-stage ka pa lang ng innate level!"

Natatawang ngumiti si Fane nang hindi nagsasalita.

Kumunot ang noo ni Grayson at nagtanong, "May natutunan ka bang skill na nagtatago sa lakas mo? Bakit di ko rin malaman kung nasaang realm ka na?"

Umiling si Fane; hindi siya nag-aral ng mga ganitong skill. Ang pinsalang natamo niya noon ang dahilan kung bakit parang nakatago ang lakas niya.

Nagpasya si Fane na gamitin ang sitwasyon niya sa sandaling napansin niya ito. Sinadya niyang hindi pagalingin ang ilan sa mga sugat niya sa kagustuhang pigilan ang iba na suriin siy