Kabanata 1

“Yvonne, sumakay ka na!”

Nang mapagtanto ko na binigyan ako ng ikalawang pagkakataon, nagsisimula nang pumasok ang tubig sa sinasakyan naming yate. Dalawang tao lang ang kasya sa lifeboat. At sa aming tatlo, tanging si Hendrix lang ang marunong magpatakbo nito.

Kaya kailangan niyang makuha ang isa sa mga pwesto sa lifeboat.

Mayroong dalawa na nagaway para sa natitirang puwesto. At pagkatapos ng napakatindi niyang paglaban sa kaniyang nararamdaman, itinaas ni Hendrix ang kaniyang kamay papunta sa akin.

Pero agad akong umatras para tanggihan ang kaniyang alok.

“Hendrix, iligtas mo si Yana.”

Hinding hindi ko na bibitbitin ang bigat sa pagkamatay ng ibang tao kahit na kailan.

Tila nakahinga nang maluwag si Hendrix nang marinig niya iyon. Nawala maging ang kunot sa kaniyang noo. Dali dali niyang kinuha ang kamay ni Yana para dalhin ito sa lifeboat.

“Ikaw ang fiancée ko Yvonne. Ikaw ang dapat kong piliin pero nagpumilit ka na isama ko si Yana. Diyan ka lang! babalikan kita.”

Dito na siya umalis kasama ni Yana, hidni na niya ako nagawa pang tingnan na para bang natatakot siya na baka magbago ang aking isip.

Nakakatawa. Iniisip niya ba na katulad niya ang lahat?

Ganito rin ang nangyari sa nakaraankong buhay. Nauna niya akong iligtas mula sa aksidente na nagiwan kay Yana nang magisa sa yate.

Kahit na nagawa naming makontact ang coast guard nang makabalik kami sa pampang, nalunod na si Yana. Tanging ang walang buhay lang nitong katawan ang kanilang narecover.

Hindi nagpakita ng kahit na anong emosyon si Hendrix noong una niyang marinig ang balita. Kalmado niyang inayos ang pagpapalibing kay Yana bago niya bigyan ng malaking halaga ang pamilya nito bilang pamalit sa nawala nilang mahal sa buhay. Ang nagiisang request nito sa kaniya ay ang paglilibing sa kaniya sa isang magandang libingan nang may buong pagiingat.

Natural namang hindi ko tinutulan ang gusto niya at nagawa ko pa ngang pagisipan at itanong sa kaniya kung gusto niyang ipagpaliban muna ang aming kasal.

Pero agad niya itong tinanggihan. Naalala ko pa rin noong hinawakan niya ang aking kamay para sabihing, “Yvonne, sigurado ako na pakakasalan kita!”

Kinalaunan ko lang napagtanto na desidido talaga siyang pakasalan ako. Pero ginawa niya lang pala ito para mapahirapan ako, para mapagbayaran ko ang pagkamatay ni Yana sa buo kong buhay.

Ano bang kinalaman ng pagkamatay niya sa akin?

Habang pinapanood ko ang paglayo nilang dalawa, agad akong nagisip ng paraan para iligtas ang aking sarili. Sabagay, hindi ko sigurado kung makakahanap ng tulong si Hendrix sa pagkakataong ito.

Sa nakaraan kong buhay, ang pinakamamahal niyang kababata na naiwan ang naging dahilan kung bakit siya dali daling humingi ng tulong nang magkaroon ng signal ang aming mga phone.

Pero nasa tabi na niya ngayon ang babaeng iyon. Maaalala niya pa kaya ako?

Sa parehong pagkakataon, ang tao na gusto niya talagang iligtas sa aming dalawa ay ang dati niyang kasintahan na si Yana. Napagisip isip ko ang tungkol dito. Napakaganda nga ng relasyon nilang dalawa. Sabay silang lumaki at wala ring kahit na sino ang makakapantay sa dami ng taon na ginugol ni Yana sa tabi ni Hendrix.

Kahit na ako pa ang pinili niyang iligtas, ginawa niya lang ito dahil agad siyang makakarinig ng usap usapan mula sa ibang tao tungkol sa pagbalewala niya sa kaniyang fiancée kung si Yana ang una niyang niligtas.

Kaya sa kabila ng pagmamahal niya kay Yana, ako ang pinili niyang iligtas.

Pinagsisihan ni Hendrix ang pagpili niya sa akin sa nakaraan kong buhay. Kaya ako na ang pumili para sa kaniya sa pagkakataong ito. Dapat lang na pasalamatan niya sa ginawa ko para sa kaniya.