Kabanata 173

Pagkasakay nila sa sasakyan, sinabi ni Yi Jinli kay Gao Congming, "Sa Royal Court tayo."

"Opo." Magalang na sagot ni Gao Congming habang sinisilip ang mga mukha nina Yi Jinli at Ling Yiran sa rearview mirror.

Nakayuko si Ling Yiran kaya hindi niya makita kung anong reaksyon nito. Pero kung ang Young Master ang paguusapan, masasabi niyang mejo nahimasmasan na ito at wala na yung galit sa mukha nito di kagaya noong sila mag-usap ni Ling Yiran.

Ang Royal Court Restaurant ang pinaka sikat na restaurant sa buong Shen City, pero bihira lang ang mga kumakain dito dahil karamihan sa mga sineserve dito ay mga pagkain na hinahanda talaga sa mga palasyo kaya sobrang mahal ng mga pagkain dito na malayong malayo sa kayang budget ng mga nasa middle class.

Pagkarating ng sasakyan sa entrance ng Royal Court, muling hinila ni Yi Jinli ang kamay ni Ling Yiran at inalalayan niya itong bumaba.

Gusto sanang alisin ni Ling Yiran ang kamay niya, pero masyadong mahigpit ang pagkakahawak ni Yi Jinli