CHAPTER 83

NANLULUMONG lumabas ng apartment ni Amanda si Genis. Gusto niyang matawa sa kanyang sarili. Ang tapang niya sa ibang bagay ngunit bakit pagdating sa pag-ibig ay naduduwag na naman siya? Ito marahil ang kahinaan niya.

Dumiretso siya sa isa sa kanyang pub house at muling nilunod ang sarili sa alak. Parang dinudurog ang puso niya iniisip pa lamang niyang muli na namang malalayo ang kanyang mag-ina sa kanya ngunit ito nga siguro ang pinakatamang gawin upang malayo sa kapahamakan ang mga ito.

“Sir, tumatawag si Carina,” sabi ni Manong Doy sa kanya, iniabot nito ang telepono ngunit tinabig lamang niya iyon.

“I don’t want to talk to her. Sabihin mo busy ako. . .Sabihin mo may kasama akong ibang babae. Whatever. I don’t wanna see her face!” Bulyaw niya sa matanda. Si Carina ang pinakahuling taong gusto niyang makita sa ngayon.

Kung nuon ay may kahit na katiting pa siyang nararamdaman para dito, ngayon ay tuluyan nang nag