CHAPTER 1

"SINISIGURO kong pagsisihan niya ang araw na ito," paniniyak ni Genis sa kanyang sarili, hinubad niya ang kanyang suot na barong tagalog at itinapat ang katawan sa shower.  Katatapos lang ng kanilang civil wedding ni Amanda na ginaganap sa kanyang strawberry farm dito sa Baguio.  At ngayon ay nandito sila sa kanyang resthouse dito rin sa Baguio.  Sa edad niyang 28 years old ay marami na siyang naipundar na mga properties dito sa Pilipinas at sa iba't-ibang panig ng mundo.  Ngunit hindi biro ang kanyang mga pinagdaanan para lamang marating ang kinalalagyan niya ngayon.  Sinong mag-aakala na iyong dating lampa at iyaking bata eighteen years ago ay magiging ganito na ngayon?

Napakuyom ang kanyang mga palad.  Hindi siya maaring magkamali sa bawat hakbang. Kailangan niyang maisukatuparan ang lahat niyang mga plano.  Kahit na kailan ay hindi niya sisirain ang pangakong binitiwan niya sa kanyang mga magulang at Ate Lyca.  Hindi niya ipagkakanulo ang mga ito ng dahil lamang sa isang babae.  "Titiyakin kong pagsisihan mo ang araw na pinakasalan mo ako," anang utak niya habang kinukuskos ang kanyang katawan.  Three years rin niyang hinintay ang sandaling ito.

Ngayon ay asawa na niya si Amanda.  Maisasagawa na niya ang kanyang mga plano.

WALANG PAGSIDLAN NG KANYANG kagalakan si Amanda Villa.  Wala na nga yata siyang mahihiling pa.  Hindi siya makapaniwalang sa araw na ito ay Mrs. Pagar na siya.  Habang hinuhubad ang kanyang wedding gown ay naririnig niya ang lagaslas ng tubig sa loob ng banyo.  Magkahalo ang excitement at nerbiyos na nararamdaman niya habang naiisip na sa gabing ito, handa na niyang ipagkaloob ang kanyang sarili sa lalaking kanyang pinakamamahal.

            Bigla bumilis ang tibok ng puso niya nang marealize na totohanan na ito.  Mag-asawa na sila ni Genis   Magsasama na sila sa iisang bahay!  Virgin pa siya kaya magkahalo ang mga damdaming nararamdaman niya.  Nakakatawang at the age of twenty three ay wala pa talaga siyang experience pagdating sa sex kaya madalas ay siya ang tampulan ng tukso ng mga kaibigan niya.  Saang planeta raw ba siya nanggaling.

            Ipinangako kasi niya sa kanyang sarili nuon na ibibigay lamang niya ang kanyang pagkababae kapag naikasal na siya.  Kaya laking pasasalamat niya kay Genis dahil kahit na kallan ay hindi siya nito pinilit.  Talagang tiniyaga nitong maghintay.  Isa iyon sa mga bagay na minahal niya dito bukod pa sa talaga namang napakabait nito sa kanya.  Ano pa nga ba ang mahihiling niya?

            Ipinagkaloob sa kanya ng Diyos ang lalaking nagtataglay ng lahat ng mga characteristics na isinulat niya sa kanyang diary nuong high school siya.  God fearing, loving, at higit sa lahat ay very loyal.  Bunos na lamang ang pagiging tall, dark and handsome nito.

            Napahinto siya sa paghuhubad nang bumukas ang pinto ng banyo, lumabas si Genis, nakatapis ito ng tuwalya, walang ekspresyon ang mukha habang nakatingin sa kanya.  O nakatitig sa mas tamang kahuligan ng salita.

            “W-what’s wrong sweetheart?”

            “Ngayon ang oras ng aking paniningil,” halos paanas lamang na sambit nito.

            “Paniningil?” Nagtaka pa siya nang makitang unti-unting napalitan ng galit ang walang ekspresyon nitong mukha, “S-Sinong may utang saiyo?” bahagya siyang napatawa, “Araw ng honeymoon natin, utang ang nasa isip. . .” Ang gulat niya nang bigla nitong haklutin ang mukha niya sa paraang waring hindi na makapagtimpi pa ng nararamdaman.  Napapikit siya dahil para siya nitong gustong sakalin. Ngayon lamang siya hinawakan ni Genis sa ganitong paraan.  Naguguluhang tiningnan niya ang asawa,  “Genis?”

            “Malaki ang atraso ng pamilya mo sakin, alam mo ba iyon?”

            Gulong-gulo ang isipan niya habang tinitingnan ito.  Ngayon lamang niya nakita ang gayong klase ng poot sa mga mata nito na para bang any moment ay sasabog iyon sa tindi ng pagkamuhi na nararamdaman, “Hindi kita maintindihan. . .sweetheart, if this is some kind of a joke, hindi ka na nakakatawa. . .please. . .”

            Mas humigpit ang hawak nito sa kanya, “Sa palagay mo ba nagbibiro lang ako?  Ang ama mo ang pumaslang sa buong pamilya ko.”

            Na-shock siya sa sinabi nito bagama’t hanggang ngayon ay malabo pa rin sa kanya kung ano ang tinutukoy nito.  Oo, alam niyang ulilang lubos na ito.  Lumaki ito sa Ninong nito na siya nang kumupkop ditto simula nang maulila ito.  Ngunit bukod duon ay wala na siyang alam tungkol kay Genis.  Kung may isang bagay man itong ayaw nitong pag-usapan nuon, iyon ay ang tungkol sa pagkamatay ng mga magulang nito. 

            Paanong nasangkot ang Daddy niya sa pagkamatay ng mga magulang nito?

            “Three years kitang sinuyo.  Three years akong nagpanggap na mahal na mahal kita.  Alam mo bang sa loob ng tatlong taon na iyon, bawat oras na kasama kita, parang hinahalukay ang sikmura ko sa pandidiri, sa galit. . .sa tuwing tinitingnan kita sa mata, lahat ng mga masasakit na nangyari sa pamilya ko, lahat iyon nanariwa. . .”

            Parang hindi niya mapaniwalaan ang lahat ng naririnig niya kay Genis ng mga sandaling iyon.  Hindi siya makapaniwalang sa loob ng tatlong taon nilang pagiging magkasintahan ay nagkukunwari lamang pala ito.

            Sunod-sunod na pumatak ang kanyang mga luha, “G-Ginamit mo lang ako para makapaghiganti ka?  At saka bakit si Daddy ang pinagbibintangan mo sa nangyari sa pamilya mo?”

            “Dahil inutusan niya ang mga tauhan niyang patayin ang buong pamilya ko!!!!” Sigaw ni Genis sa kanya saka padarag siyang binitiwan at galit na galit na lumabas ng kuwarto.

            Napakurap-kurap siya.  Hindi siya makapaniwalang sa isang iglap lamang ay biglang gumuho ang lahat ng mga pangarap niya.          

            Tatlong taon. 

            Tatlong taon na nagkuwanri si Genis na mahal na mahal siya nito para lamang bigyang katuparan ang plinaplano nitong paghihiganti?

            Muling nanariwa ang mga ala-ala kung paano silang nagkakilala ni Genis. . .

FLASHBACK:

            “Amanda, puros ka na lang eskwelahan, bahay.  Napaka-boring naman ng buhay mo!” Sita ng bestfriend niyang si Wendy sa kanya, nasa school canteen sila para sa kanilang lunch break.  Magkaklase sila ni Wendy since high school sa bayan ng Sta. Elena.  Siya ang valedictorian habang si Wendy naman ang kanyang salutatorian.  Ngunit hindi gaya niya, hindi studious si Wendy. Likas lang talaga ang pagiging matalino nito kaya kahit madalas ay naglalakwatsa ito, palagi pa ring matataas ang mga grades na nakukuha nito.  Hindi paris niya na kung hindi mag-aaral na mabuti ay hindi siya makakakuha ng matataas na grades.

            Nang mag-college ay sa Maynila na siya pinapag-aral ng Daddy niya.  Hindi naman sila mayaman.  Hepe ng kapulisan sa Sta. Elena ang Daddy niya.  Ngunit dahil bunso at only girl siya sa pamlya ay spoiled siya dito.  Kaya nang sabihin niya sa ama na gusto niyang mag-aral sa mamahalin at sikat na university ditto sa Maynila ay hindi tumutol ang kanyang Daddy bagkus ay all out support ito katulong ng kanyang mga Kuya at Mommy.

            Ang kanyang Kuya Efren ang sumagot ng baon niya.  Habang ang Kuya Rico naman ang nagbabayad ng dormitory niya.  At ang Daddy niya at Kuya Lukas ang sagot sa tuition fee niya.  Masscom ang kursong kinukuha niya.  Ang unibersidad na pinag-aaralan niya ay marami ng naproduce na mga sikat na news casters at umaasa siyang balang araw ay mapabilang siya sa mga ito.

            Third year college na siya nang muling magkasama sila sa iisang unibersidad ni Wendy.  Nagulat na nga lang siya isang araw ay nagkita sila.  From then on ay palagi na ulit silang magkasama kagaya nuong high school.  Ngunit hindi siya sumasama sa mga gimik nito.

            Ayaw niyang biguin ang kanyang mga magulang at mga kapatid na nagtutulong-tulong para makapag-aral siya.  Hindi kasi niya naipasa ang scholarship na inaplayan niya nuon.  Ngunit dahil ayaw siyang biguin ng pamilya niya sa mga pangarap niya ay nagtulong-tulong ang mga ito para mapaaral siya sa pangarap niyang unibersidad kung kaya’t hinding-hindi rin niya bibiguin ang mga ito.

            Ngunit ngayong araw na ito ay mas naging makulit si Wendy at mukhang walang balak na lubayan siya hangga’t hindi siya nito napapayag na sumama sa party mamayang gabi.

            “Promise, mag-eenjoy ka.  Saka may ipapakilala ako saiyo.  Ang guwapo.  Natatandaan mo iyong accidentally mabasa ko iyong diary mo ‘nung mag-sleep over ako sa bahay nyo?”

            Inirapan niya ang kaibigan, “Hindi accidentally!  Sinadya mong pakialaman at basahin ang diary ko ‘no!”

            “Okay, sinadya ko na.  Pero curious lang naman ako.  Anyways, iyong lalaking ideal man na sinulat mo sa diary, saktong-sakto kay Genis.”

            “At sino naman siya?”

            “Kinakapatid ko.  Ninong nya ang Papa ko.  ‘Nung mamatay ang parents nya, kinupkop na siya ni Papa at pinag-aral.  Tall, dark, and handsome!  Plus, God-fearing, loving at higit sa lahat, walang bisyo!”

            “Hindi ako interesado!”

            “Talaga lang ha?  What if sabihin ko saiyong nakatingin siya satin ngayon?” Nakangising sabi ni Wendy sa kanya.

            “Hay naku, Wendy, tigilan mo nga ako. . .”

            “Hindi ako nagbibiro.  Nandito siya ngayon sa school.  Gusto ka nya kasing makilala.  By the way, mayaman ‘yan ha.  Graduate ng engineering with honors dito rin sa university na ito.  Ahead sya satin ng five years eh. . .at sobrang successful na sa kanyang mga negosyo,” kinikilig na sabi pa ni Wendy sa kanya.

            Maya-maya pa ay nilapitan sila ng isang lalaki na waring nagpahinto sa pag-ikot ng mundo ng mga oras na iyon.

            Love at first sight.  Iyon ang eksaktong naramdaman ni Amanda nang makita ang lalaking tinutukoy ni Wendy!

            Kaya naman nang magpropose ito three years after ay hindi na siya nagpatumpik-tumpik pa.  Isinantabi niya ang kanyang pangarap na maging isang tanyag na broadcaster para sa kanyang ultimate dream.  Ang maging Mrs. Genis Pagar!

            Naputol ang pagbabalik tanaw niya sa kanyang mga alaala nang muling pumasok ng silid si Genis.

            “Babalik na tayo ng Maynila ngayon din.  Naghihintay na ang driver ko.  Ilabas mo na ang mga gamit natin!” Utos nito sa kanya.

            Napakurap-kurap siya.  Pakiramdam niya ay ibang tao ang kasama niya ngayon.  Malayong-malayo sa Genis na nakilala niya nuon.

“MANONG DOY, hayaan nyo na siyang magbaba ng mga gamit.  Mas malakas pa ‘yan sa kalabaw!” Dinig ni  Amanda na sabi ni Genis sa driver nito nang makarating na sila sa bahay nito sa Maynila saka bumaba na ng sasakyan at ni hindi siya nilingon, tuloy-tuloy itong pumasok sa loob ng bahay nito.

            Tiningnan siya ng matanda sa rear view mirror, waring humihingi ng paumanhin sa kanya.  Tumango lang siya ditto saka bumaba na ng sasakyan at kinuha sa likuran ang dalawang maleta nila ni Genis.  Nangingilid na ang kanyang mga luha ngunit naisip niyang hindi siya dapat na sumuko.  Pasasaan ba at mababalik muli ang pagtingin nito sa kanya.

            Naniniwala siyang lahat ng pagmamahal na ipinakita nito sa loob ng tatlong taon nilang magkasintahan ay hindi pagpapanggap lamang.  Naramdaman niya ang tunay nitong pagmamahal. 

            At gagawin niya ang lahat para maibalik niya ang respeto at pag-ibig na iyon ni Genis sa kanya.

            Isa pa, nang pakasalan niya ito, sumumpa siyang sa hirap at ginhawa ay magsasama sila.  Pagsisilbihan niya ito at pakakamahalin.  Sumumpa siya sa Diyos at pangangatawanan niya iyon.

            “Amanda!” Nakangising sabi ni Wendy sa kanya nang makapasok siya sa bahay, habang hila-hila niya ang dalawang malaking maleta.  “Welcome home,” sabi nitong humalik sa mga labi ni Genis na waring talagang sinadyang ipakita pa iyon sa kanya.

            Ano ang ibig sabihin ng lahat ng ito?