12: The Kiss

Pagkarating ko sa school ay nakita ko agad siya sa sa harapan ng gate. Nakahalukipkip siya na naghihintay. Sumenyas siyang sundan siya pagbaba ko. Nakita ko ang pagtagos niya sa tarangkahan na parang isa siya sa mutant student ni professor Charles. Napamura ako sa inis, depungal baka tumatagos siya, ako kailangan pang kumatok sa gate. Gusto niyang sundan ko agad siya.

Ilang beses akong kumatok bago pagbuksan ni manong guard. Nagulat pa siya nang makita ako.

"Oh hija, wala pang pasukan sabado pa lang," pagbibiro nito. Kilala ni mang Herman ang halos lahat ng students dito kahit sa mukha lang kaya hindi ako nagtataka kung namumukhaan niya ako.

Ngumiti lang ako. "Manong, pwede bang pumasok?"

"Bakit, may permit ka ba?"

"Kasi manong. Ihing-ihi na kasi ako." Um-acting ako na parang naiihi. Ang lame ng excuse pero iyon lang ang naisip kong idahilan. Nakahawak pa ko sa tiyan ko para medyo kapani-paniwala. "Galing kasi ako sa kaklase ko. Pauwi na po ako nang makaramdam ng pag-ihi. E napadaa