Chapter 3

Nasa Catering Business kase ang magulang ni Jen, at nakiusap siya dito noon na maipasok siya as part-timer.

“Dito ang service kase ngayon. Huy ikaw ha? Alam mo bang nakurot ako ni Mommy dahil sa biglang pag back-out mo. Ako tuloy ang napilitang pumalit sa’yo” napakamot naman ng ulo si Sabrina. 

“Sorry talaga Jen. Nagkaproblema lang kasi talaga sa shifting. Akala ko wala ako pasok ngayon. Sorry talaga” sincere naman ang pagsosorry niya. Hindi nga lang totoo ang rason niya. Ayaw naman niyang isisi sa kaibigang si Charie itong naging sitwasyon.

“Okay lang. Pinagtakpan naman kita, kaya don’t worry nasa team ka padin.”

“Naku, maraming salamat Jen” 

“Okay lang. Ikaw pa ba?! Malakas ka sakin e. O sya sige, magtrabaho na tayo”

Nagpaalaman na sila at bumalik na sa kani-kanilang trabaho.

**********

“Sir, uuwi na po ba tayo?” tanong ni Jason kay Xavier. Kakatapos lang ng business meeting niya sa isang chinese. Maganda naman ang naging takbo ng usapan at naiclose nila ang deal. Ngayon ay lulan na siya ng sasakyan kasama ang driver at assistant na si Jason.

“Punta muna tayo sa bar. Hinihintay ako ni Jackie” seryosong sagot niya.

“Okay po” 

Tahimik nilang binabaybay ang daan papuntang restobar kung saan nagpaparty si Jackie, anak ni Samson Ortega. Matalik na magkaibigan si Samson at ang daddy ni Xavier na si Lyndon Franco. 

Nang makarating sa bar, ay agad niyang hinanap si Jackie. Nakita niya itong nakaupo sa isang sulok, hawak ang cellphone. Lalapitan na niya ito ng may makabunggo siyang isang babae at natapon sa kaniya ang hawak na juice nito.

“Wtf! Are you blind?!” singhal ni Xavier sa babae.

“S-sorry, hindi ko sinasadya” inilabas nito ang panyo sa shoulder bag at akmang pupunasan ang damit ni Xavier ng itulak niya ito.

“Don’t touch me, stupid!” sa di kalayuan ay naagaw na nila ang atensiyon ni Jackie at mabilis itong lumapit sa kanila.

“Xavier, what happe– oh my God! Sinong tanga ang may gawa niyan?” galit na sigaw ni Jackie. Habang inililibot ang mata sa paligid at hinahanap kung sino ang nakatapon ng juice sa damit ng binata.

“J-jackie. S-sorry. Hindi ko naman sina–” hindi na natapos ng babae ang sasabihin dahil sinampal siya ni Jackie.

“Sorry? Huh! Sino ka ba? Pano ka nakapasok dito? Gate crasher ka?!” 

“H-hindi Jackie. Isinama ako dito ni, M-myka” natatarantang paliwanag niya. Pero ng magtinginan ang mga tao sa may pwesto ni Myka, mariin itong tumanggi.

“Jackie, classmate ko yan. Pero hindi ko siya sinama dito no?” 

“See? Sinungaling ka” akma pa sana ulit sasampalin ni Jackie ang babae pero may humawak ng kamay niya sa likuran.

“Huwag mong sasaktan ang kaibigan ko, babaliin ko buto mo” nang makita ni Sabrina na pinagtutulungan ng mayayamang estudyante ang kaibigang si Charie ay agad siyang sumugod dito.

“Ouch! Let go of me” arteng daing ni Jackie. Sinadya talaga ni Sabrina na higpitan ang pagkakahawak sa kamay nito para dina ito makabwelo pa at masaktan uli si Charie.

“Ouch mo mukha mo!” binitiwan na din naman niya ang kamay nito. “Sa susunod na saktan mo kaibigan ko, babasagin ko yang mukha mo!” banta ni Sabrina dito.

“Huh? Ugaling squatter ka gurl. Pagsabihan mo yang kaibigan mo, wag tatanga-tanga ng hindi nakakadisgrasya ng mga tao dito.” Maarteng sigaw ni Jackie kay Sabrina at Charie.

“Disgrasya? Tatanga-tanga? Hindi niya sinasadya na mabasa ang damit ng boyfriend mo.” Lumapit si Sabrina kay Xavier. “Oh heto ba?” Sabay turo sa nabasang suit ni Xavier. “Kaunting kusot at blower lang matutuyo agad yan. OA niyo. Simpleng problema pinalalaki niyo” Dumukot siya ng bimpo sa bulsa ng pants niya at pinunasan ang suit nito.

“Hey! Anong ginagawa mo?” Masungit na tanong ni Xavier kay Sabrina habang umaatras ng paunti-unti palayo kay Sabrina.

“Pinupunasan ko yung suit mo, obvius ba?” Pero si Xavier naman ngayon ang humawak ng mahigpit sa kamay ni Sabrina. “Aray! Bitiwan mo nga ako” piglas ni Sabrina.

“Umalis na lang kayo dito ng kaibigan mo o mawawalan ka ng trabaho?” Seryosong banta ni Xavier kay Sabrina. Ngumisi lang si Sabrina na ikinatiim bagang ni Xavier sa inis.

“Ganyan naman kayong mayayaman e. Gagamitin ninyo connections niyo para takutin ang mga simpleng empleyado na gaya namin. Well, di ako takot sa inyo. Mawawalan ako ng trabaho? Go! Pero babawasan ko din ngayon ang kayabangan mo” pagkasabi nito ay inuntog ni Sabrina ang ulo niya sa mukha ni Xavier, tinamaan nito ang labi ni Xavier, dahilan para mabitiwan na din nito ang kamay ni Sabrina. 

“Sabrinaaa!” Tawag ni Charie sa kanya na may halong pag-aalala at pagkabigla sa ginawa nito sa mayamang binata.

“What did you do?! Oh my God Xavier, you’re bleeding. Heeeelp” natatarantang sigaw ni Jackie na ikinataranta na din ni Sabrina kaya mabilis niyang hinatak ang kamay ni Charie at mabilis na tumakbo palabas.

“I’m fine Jackie, wala lang ‘to” paniniguro nito kay Jackie ng mapansin na nag-aalala na ang babae sa kaniya.

Umalis si Xavier sa party at dumiretso sa opisina ng kaibigan na may-ari nitong bar.

“Oh bro. Anong masamang hangin ang nagtulak sa’yo dito?” Sinamaan lang siya ni Xavier ng tingin at dire-diretso na itong pumasok at umupo sa couch sa loob ng office ng kaibigan.

“Mukhang bad mood ka, dahil ba diyan sa basang suit mo?” tatawa tawa pa ito sa kaibigan. “May mga damit ako diyan sa closet, magpalit ka muna” 

“Hindi na Paulo, uuwi na rin ako maya-maya” sabay lagok sa isang basong alak na iniabot nito sa kaniya.

“So ikaw pala yung gwapo nga pero feeling pag-aari ang universe” tatango-tangong sabi ni Paulo.

“Huh? Anong ibig mong sabihin?” Kunot noong tanong ni Xavier.

“Haha! Yung pinaka masipag kong empleyado, pinaka maganda din. Nag reresigned kanina” nilagok din nito muna ang alak bago tinuloy ang pagsasalita.

“Kesa ipatanggal daw siya nung gwapong lalaki na feeling pag-aari ang universe sa yabang e siya na daw ang aalis” 

“Huh? That woman! Kita mo ‘to?” sabay turo sa labi niyang may sugat. “Siya ang may gawa nito” 

“Woah! Ganon talaga yon, di papaapi yon kahit kanino. That’s why I like her”

“Like her? Hmm, I guess tinanggap mo naman ang resignation niya no?” paniniguro nito sa kaibigan.

“Ofcourse.. not! Hahaha” 

“Tsk! Why?”

“I told you, pinaka masipag kong empleyado yon. I know din na labag sa kaniya ang mag resign. She needs all the money she can get para mabuhay” paliwanag ni Paulo.

Hindi na umimik pa si Xavier dito. Wala din naman siya magagawa, since si Paulo naman ang magpapasahod dito. Napabuntong hininga na lamang siya.