Chapter 34.2: Trap

“I MISS YOU SO MUCH, Darling!” bigkas ni Mr. Thurn at hinila sa bandang baywang si Ynzo.

Napatili naman siya nang bumagsak siya sa kandungan ng matanda. “Ay! Ano ka ba? Ginugulat mo ’ko, e!” pagtili niya at mahinang tinampal sa braso ang matanda.

Narito sila ngayon sa loob ng isa sa mga mamahaling silid ng Charizza Luxuriant Hotel. Ang balak sana nina Ynzo at Veron ay unahan sa naturang hotel si Mr. Thurn upang mahuli sa patibong nila ngunit nang makarating sa loob ng naturang silid si Ynzo ay nagulat siya nang bigla na lang siyang yakapin ng matanda saktong pagpasok pa lang niya sa pinto. Mabuti at hindi niya kasama si Veron nang mga oras na iyon dahil paniguradong nabulilyaso na sila.

“Sh*t! Ang talino ng demonyong ito!” bigkas ni Veron mula sa kabilang linya.

May nakakonekta nang hearing device via phone patch sa mga tainga ni Ynzo upang marinig niya ang ibang iuutos ng babae. Nasa ibaba lang ng naturang hotel