Chapter 0027: Eldric

Seryoso ang pagkaka-titig ni Eldric sa malaking screen ng TV sa labas, na tanaw mula sa loob ng selda.

Ang eksena sa telebisyon ay ang pagdiriwang ng kaarawan ni Jome La Verde. Live ito mula sa La Verde mansion kaya napapanuod niya ngayon.

Tahimik lamang siyang nakatitig sa mukha ni Jome La Verde. Walang mababakas na anumang awra sa itsura niya.

Natigil lamang ang atensyon niya sa pinanonood nang lumapit ang warden sa bakal na rehas at sumilip sa kanya mula roon.

"Eldric Zanchez, may dalaw ka," tawag sa kanya ng warden.

Bumangon siya sa mula sa pagkaka-higa at tinali ang may kahabaan na buhok. Nilapag niya sa higaan ang bakal na yoyo na nilalaro niya kanina.

Sinilip niya ang warden. Napangiwi siya nang bumakas sa mukha nito ang pagka-ilang at pagka-takot sa kanya.

Sino ba kasi ang hindi masisindak sa bordadong lalake? Puno ng tatoo ang kanyang katawan, mula leeg hanggang paa. Tanging ang gwapong mukha niya lamang ang malinis.

"Sino daw?" ang baritonong