Chapter 0029: Kiss

Hmph! Nakakainis! Hindi matanggal ang sigok ko. Lintek na wasabi yun! Hanggang ngayon masakit pa rin ang lalamunan ko.

"Kamusta pakiramdam mo? Uminom ka pa ng tubig. Here," inabot sakin ni KC ang basong hawak niya na may lamang tubig na malamig.

Ngiwi ko siyang nginitian. Nawala yata ang kalasingan ko, napalitan ng kahihiyan.

"Salamat," ani ko sabay inom. Naubos kong lahat ang laman ng baso.

"Tara sa labas, magpahangin tayo."

Sinangayunan ko naman ang pagyaya ni KC. Humawak ako sa kamay niya nang iabot niya sakin yun.

Wala na akong tama. Ramdam ko na ang init ng palad ni KC habang maingat na inaakay ako palabas ng mansyon.

Nadaanan namin ang malaking sign na La Verde sa labas na punong-puno ng mga taong kumukuha ng litrato.

Ilang minuto na rin kaming naglalakad ni KC at hindi ko alam kung saan kami pupunta. Naisipan ko nang magtanong.

"Uh, sa'n ba tayo pupunta?" lumingon-lingon ako sa paligid. Magkahalong mahogany at acacia ang mga punong nadadaanan nam