Kabanata 147

Hindi ko inaasahan ang mga susunod na mangyayari sa buhay ko. Kinaladkad ako palabas ng Casa ng mga bouncer. Tinapon ako sa loob ng isang itim na Van , nagatataka naman ako kung bakit ginawa sa akin iyon. Isang lalaki ang nagtali sa aking mga kamay habang ang isa naman ay naglagay ng taklob sa aking ulo. Piniringan din nila ang aking mga mata at nilagyan ng busal ang aking bibig. Doon na ako ninerbyos . Nagpupumiglas ako sa pagkakakapit nila sa akin ng biglang may ipaamoy sa aking isang panyo at tuluyan na akong nawalan ng malay.

Hindi ko na matandaan kung ilang oras na din akong nawalan ng malay. Nagising na lang ako mula sa pagbuhos ng tubig sa aking mukha. Halos malunod pa ako dahil sa nakabusal sa aking bibig. Uubo ubo ako ng tanggalin nila ang busal sa aking bibig. Naririnig ko naman ang halakhak ng isang babae na kasama ng mga ito. Malakas na tawanan sa paligid ang aking narinig. Nakapiring pa rin ang aking mga mata kaya naman hindi ko makita ang mga taong gumagawa sa akin nito