Chapter 61

Andrea

"Kayo lang ba?" Nakangising tanong ko sa mga g*go.

"Nakukontian ka pa ba sa 'min?" Taas noong tanong nung isa.

Nginisian ko siya. "Oo, eh. Baka nga hindi pa ako pawisan bagsak na kayo." Mayabang kong sabi sa kanila.

"HAHAHAHAHAHAHAAHHAHAHAHAHA HAHAHAHAHAHAHAAHHAHAHAHAHAHAHAHAHAHAHAHAHAHAHAHAHA!"

Nagtawanan naman sila. Akala yata ng mga ito ay nagbibiro ako. Nagtawanan sila ng nagtawanan hanggang sa makuntento.

Magsaya na kayo dahil ipinangangako ko, na hindi matatapos ang gabing ito ng hindi kayo nalalagutan ng hininga.

"Nagbibiro ka ba?" Tatawa tawang tanong ng isa.

"Hindi ako sanay magbiro." Seryosong sabi ko sa kanila saka ko sila sinamaan ng tingin.

Nakita ko ang iba na natakot ngunit ang iba ay nginisian lang ako. Ang pangit naman ng ngisi nila.

Lalo silang naging mukhang aso!

"Kulang yata kayo? Nasa'n 'yung limang g*gong kasama niyo?" Tanong ko sa kanila.

Hindi ko na kasi makita 'yung lima na sumugod sa akin sa ospital. Sila talaga ang hinahanap ko. Inaalam ko lang kung gaano talaga kalakas ang loob nung mga 'yon.

"Natakot sa 'yo, eh. Umalis tuloy sa grupo namin. Hindi naman sila kawalan kaya hinayaan na namin. HAHAHAHAHAHAHAAHHAHAHAHAHAHAHAHH." Sabi nila saka sabay sabay na nagtawanan ng mahaba at malakas.

Kung 'yung mga 'yon natakot. Bakit kaya ang mga ito ay hindi? Masyado pa silang mayayabang, mga panget naman.

Kahit isa sa kanila ay walang itsura. Meron pala, itsurang ASO! Ang papanget nila. Ang iba ay mataba pa.

Pa'no kaya kapag nadaganan ako ng isa sa matatabang kasama nila? Baka 'yun ang maging cause of death ko.

Tinignan ko lang sila hanggang sa matapos silang tumawa.

"Tapos na kayo?" Nanunuyang tanong ko sa kanila.

"Baket?" Natatawang tanong pa nung isa.

"Gusto ko lang na sulitin niyo na ang pagtawa niyo." Huminto ako saglit sa pagsasalita.

"Hindi muna. Dahil mamaya ay mas sasaya pa kami kapag patay ka na dahil madadagdagan ang pera namin HAHAHAHAHAHAHAAHHAHAHAHAHAHAHAHA!"

Baliw ang mga punyeta! Akalain mo 'yun, papatay sila ng tao para sa pera? Kapos na kapos lang?

'Ang laki ng mga katawan niyo ayaw niyo magtrabaho. Tamad ang mga king ina.'

"Maghanda na kayo dahil malapit na kayong mamatay."

Nagtawanan muna sila bago sila isa isang sumugod sa akin. Ang akmang pagpalo ng isa sa akin ng hawak niyang baseball bat ay sinangga ko saka ko siya sinikmuraan at tinadyakan dahilan para tumalsik siya.

Hindi 'yon inaasahan ng isang nasa likod niya kaya hindi ito naka ilag kaya sabay silang tumumba.

Ang isa ay sumugod din kaya umilag ako. Kinuha ko ang baseball bat na hawak niya saka ko hinampas sa ulo niya.

Ang mga sunod na sumugod ay iniilagan ko din at saka hinahampas sa ulo ng baseball bat na kaninang hawak ko para tulog agad.

Ayokong ubusin ang oras ko dahil lang sa mga lampang ito.

Makalipas ang ilang minuto ay tumba na agad ang labing limang tao na sumugod sa akin.

Medyo hinihingal ako ng matapos ko silang patumbahin lahat.

Hinahabol ko pa ang hininga ko nang may biglang dumating. Ang taong kanina ko pa hinihintay ay dumating na.

May mga kasama siya na... body guards? Aba! May body guards pa siya, ah.

May kasama din siyang isang medyo matanda na lalaki. Ka edad siguro nila papa.

Medyo hawig sila sa isa't isa. Mag-ama siguro.

"Kamusta Andrea? Hindi ko alam na sanay ka palang makipaglaban." Nakangiting tanong sa akin nung babaeng impokrita.

Ang ngiti niya ay nang-iinsulto.

Nginisian ko siya saka humakbang ng isa papalapit sa kaniya. "Hindi ko naman kasi sinabi sa 'yo." Nakangising sagot ko.

"Hindi rin naman ako interesado."

"Bakit pinansin mo kung hindi ka interesado?"

Nag-isip siya ng bahagya bago sumagot.

"Hmm... I just find it interesting."

Baliw ang isang 'to.

Ang sabi kanina ay hindi siya interesado tapos ngayon sasabihin niya na 'I found it interesting?' Siraulo!

"Akala ko ba ay hindi ka interesado?" Sarkastikong tanong ko.

"Oo nga."

"But you find it interesting?"

Medyo natigilan siya sa sinabi ko kaya nginisian ko siyang muli.

Hindi nag-iisip bago magsalita.

"Bakit mo 'ko pinapapatay?" Seryosong tanong ko sa kaniya.

Pinutol ko na ang kung ano ano pang gusto niyang sabihin dahil naiinip na ako. Ang dami dami pa niyang dada.

"Para mabawi ko na si Alistair sa 'yo."

Baliw nga ito. Confirmed na.

"Kailan naman naging sa 'yo si Alistair?"

"Una siyang naging akin bago napunta sa 'yo."

"Talaga?" Sarkastikong tanong ko. "Wala siyang nabanggit sa 'kin na tungkol sa 'yo."

"Paano mo naman nalaman? Alam mo ba kung sino ako?"

"Sino ka nga ba?"

"I'm Talia Harrison."

Talia Harrison? Sino naman 'to? Ngayon ko lang narinig ang pangalan niya.

"Kailangan mong mawala para mapasakin ulit si Alistair."

"You're crazy." Natatawang sabi ko sa kaniya.

"Yeah, I'm crazy. Crazy for him."

Natigil kami sa pag-uusap ng biglang sumabat ang lalaking matanda.

"Enough!" Sigaw niya. Tumingin siya sa babaeng baliw na kasama niya saka nagsalita. "Siya ba ang hadlang sa inyong dalawa?"

Ha! Isa pa pala 'to, eh.

"Yes dad." Sagot niya.

So, daddy niya 'yan? Bagay naman silang mag-ama. Parehas silang baliw!

Humarap sa akin ang tatay daw niya saka ako tinignan ng masama. Ano naman kayang kasalanan ko dito!?

Baliw nga silang pareho. May pinagmanahan naman pala itong impokrita na 'to.

"Ang kapal ng mukha mo na hadlangan ang anak ko sa kung anong gusto niya. And worst, inagawan mo pa." Galit niyang sabi sa 'kin.

Wow ah!? Ako pa ngayon ang nang-agaw?

"Talaga ba?" Tanong ko sa kanila na ikina-inis nung lalaki.

"Talaga! Pasensyahan nalang tayo dahil mamamatay ka na ngayon. Para naman wala ng hadlang sa anak ko." Sabi niya saka sinenyasan ang mga kasama nila. "Kayo ng bahala dyan."

Sabay sabay silang naglakad ng kaunti at nagpunta sa unahan ng mga boss nila saka bumunot ng baril at itinutok sa akin.

Whew. Wala akong laban sa mga ito. Ang lalaki ng mga katawan nila at may mga baril pa. Marami din ang mga king ina.

Mukhang katapusan ko na nga yata.

"Any last wishes?" Nakangising tanong sa akin nung babae.

Nakita ko na unti-unting kinakalabit nung mga bata nila ang gatilyo ng baril na nakatutok sa akin.

Bumuntong hininga ako saka pinikit ang mga mata ko. Katapusan ko na. Dahil kahit na sipain ko ang isa sa mga baril dito, kapag binaril ako ng isa ay patay ako.

Mariin kong ipinikit ang mata ko hanggang sa makarinig ako ng putok ng baril.