Chapter 94

Chapter 94 - Gusto mo bang magkaanak tayo?

Graduation na ni Steven sa Grade six at siya ang valedictorian ng graduating class. Kasama ko si Trevor sa graduation ceremony ni Steven. Maging siya ay proud na proud sa anak ko sa natamo nitong mga achievements. Bukod sa pagiging valedictorian, si Steven rin ang Best in Math, English, Science at Editor-in-Chief pa ng kanilang school newspaper. Tuwing tatawagin ang pangalan ni Steven para sa kanyang mga awards ay ako ang umaakyat sa stage. Subalit ng si Trevor ang umakyat sa stage para sa pagiging valedictorian ni Steven.

“Parang hindi iyan yung asawa ni Dr. Megan.” sabi ng isang magulang na malapit sa kinauupuan ko.

“Hindi nga iyan!” sabi naman ng kausap niya.

“Iyan ang asawa ni Dr. Megan. Nabasa ko sa diyaryo nung kailan lang ang kasal nila. Nandoon pa nga si Steven.” sabi naman ng isa pang magulang.

“E sino yung ipinakilala noong birthday ni Steven? Di ba ang pakilala ng MC ay Daddy and Mommy of Steven?” sabi nung isa pang magulang.