Chapter 101

Chapter 101 - Alone Again Naturally.

Patuloy ang ginagawa kong make-over sa sarili ko. Alangan namang magmukmok ako sa isang sulok at umiyak dahil sa ginawa ni Trevor. Dapat mahalin ko muna ang sarili ko. Sabi nga ng mga kasamahan kong duktor sa St. Luke's, lalo raw akong gumanda at naging smarte. Sabi naman ni Brianna ay pumapayat na naman daw ako. Si James nga, nagulat ng sunduin niya si Brianna sa ospital, “Is that you, Megan? Ibang-iba ka na! Naging sophisticated na ang ayos at kilos mo!”

“Hay, James! Huwag mo na akong bolahin!” biro kong sagot. “Brianna, pagsabihan mo yang boyfriend mo, baka boldyakin ko yan!”

“Siya nga pala Megan. Kailan ba ako puwedeng pumunta sa bahay ninyo para ipakita sa iyo ang mga financial reports ng mga investments mo?” tanong ni James habang nakatingin sa akin na parang may gustong alamin.

“Any time kapag Sabado. Tumawag ka muna.” sagot ko. “Puwede mong isama si Brianna!”

“Naku, hindi ako puwedeng sumama kapag Sabado kasi yun lang ang time ko sa mg