Chapter 103

Chapter 103 - Delikado pala ako sa iyo!

Hatinggabi, bumangon ako dahil nagugutom ako. Nasobrahan na yata ako sa pag-rereduce kaya madali akong magutom. Sa kuwarto pa rin ni Taylor ako natutulog. Kahit manipis na lingerie lang ang suot ko ay lumabas ako ng kuwarto at pumunta sa ref upang maghanap ng makakain. Wala namang makakakita sa akin dahil ang mga kuwarto ng kasambahay ay hiwalay sa bahay namin.

Madilim sa kusina at tanging ilaw na nagmumula sa ref ang nagbibigay liwanag sa paligid. Habang nakayuko ako at naghahanap ng makakain sa ref ay may yumakap sa likod ko. Napasigaw ako sa gulat kaya ang ginawa ko ay tinapakan ko ang paa ng tao, sabay siko sa tiyan nito. Nang humarap ako sa kanya ay sinapak ko ito sa mukha ng pagkalakas-lakas.

“Megan! Aray ko! Ang sakit-sakit!” sigaw ni Trevor na namimilipit sa sakit.

“Diyos ko! Trevor! Akala ko may pumasok na ibang tao sa bahay!” sabi ko. “I'm so sorry!”

Dumugo ang ilong ni Trevor. Inalalayan ko siyang umupo sa upuan sa island tabl