Chapter 90

Chapter 90 - Beautiful in White

Pagkatapos naming mag-agahan, inuna ko munang makaligo si Steven. Pagkatapos kong maligo ay pinapasok ako ni Tricia sa master's bedroom para makapagpa-make-up. Tapos ng mag make-up si Tricia at inayos na rin ang buhok niya. Naka-bathrobe lang ako habang minemeykapan. Buti na lang, bago at sosyal ang kulay beige kong underwear, kung hindi, aba'y nakakahiya! Panay naman ang kuha ng litrato ng photographer habang minemeykapan ako na syang pinagtatakahan ko.

“Ba...bakit ako ang kinukunan mo ng litrato??? Di ba dapat si Tricia?” tanong ko sa photographer.

“Mam, tapos na po siyang kunan kanina.” sagot nito habang nagkakatinginan sila ng make-up artist.

“Light lang na make-up ang ilagay mo sa akin kasi hindi naman ako ang bride.” sabi ko sa make-up artist.

“Mam, wala naman pong pagkakaiba kung light o heavy ang make-up. Basta po kasalan, standard na ang pag-apply namin ng make-up. Ang mahalaga po, maganda kayong tignan sa personal man o sa picture.” sabi