Chapter 46

Chapter 46 – Charlotte's Elicit Affair

Sa kabilang banda, maagang umuwi si Robert sa condo nila ni Charlotte sa Eastwood, Quezon City. Pagdating niya doon ay madilim at tahimik. Parang hindi pa umuuwi si Charlotte. Sa kusina ay dinatnan niyang nakatambak pa sa lababo ang mga pinagkainan niya kaninang umaga. Medyo nairita siya dahil hindi man lang ito hinugasan at niligpit ni Charlotte. Hindi talaga siya kumuha ng kasambahay upang matuto si Charlotte ng mga gawaing bahay tutal dalawa lang naman sila sa condo.

Dahil hapunan na, umorder na lang siya ng pagkain sa isang restaurant sa ibaba ng condo para pagdating ni Charlotte ay kakain na lang sila. Hinugasan na rin niya ang mga pinagkanan nila noong umaga. Sanay naman siya ng mga simpleng gawaing bahay dahil nung sa condo sa BGC pa siya nakatira ay solo lang siya doon bagama't pumupunta roon ang kasambahay ng Mama niya minsan isang linggo upang maglinis at magpa-laundry ng mga damit niya. “Come to think of it, hindi ko pa nakita kahit