Chapter 49

Chapter 49 – Pagbubuntis ni Charlotte – Sino ang Sasagot?

Galit na galit pa rin ang Papa ni Charlotte kaya pagdating nila sa kanilang bahay ay pinagsasampal na naman niya ito. “Walanghiya kang babae ka! Pinalaki kita ng maayos. Pinag-asawa kita ng isang mayaman upang maging maayos ang buhay mo...ang buhay natin! Pero anong ginawa mo?!? Sinira mo ang buhay natin. Pati kabuhayan natin ay apektado! Malaki ang utang natin kina Robert dahil nalulugi na ang ating mga negosyo! Malaki!!! Ni hindi ko pa nga nababayaran ang utang natin sa kanila! Paano ko babayaran ang P50 million??? Hu! Hu! Hu!”iyak ng Papa ni Charlotte na parang mababaliw.

Sumabat naman ang Mama ni Charlotte, “Ano ang gagawin natin ngayon? Wala ng tiwala sa atin ang mga Chen dahil sa pagbubuntis mo na hindi naman si Robert ang ama! Mababaon tayo sa utang! Maghihirap tayo! Isang malaking kahihiyan ang ginawa mo!”

“Paano natin aayusin ito?!?” tulirong sabi ng Papa ni Charlotte. “Sino naman ang ama niyang ipinagbubuntis mo?”