Chapter 27

Chapter 27 – Kidnapping

Tuwing may pasok sa eskwelahan si Steven ay ako ang naghahatid sa kanya sa umaga at pagkatapos ay didiretso na ako sa ospital. Si Ate Rose naman ang sumusundo sa bata sa tanghali.

Sa kabilang dako naman, si Dr. Adrian Aquino, ang duktor na ka-roommate ko sa St. Luke's na pinagresign noon dahil sa 'conduct unbecoming of a doctor' ay parating tuliro at lasing. Hindi niya matanggap na ang isang dekalibreng duktor na tulad niya ay pinatalsik ng ospital. Habang hawak ang kopita ng alak ay panay ang titig niya sa litrato nina Megan at Steven. Siya pala ang kumuha ng litrato sa mesa ko sa ospital noon.

Sa tagal ng panahong lumipas ay hindi pa rin siya natatangap sa mga malalaking tertiary hospitals dito sa Metro Manila tulad ng Asian Hospital, Cardinal Santos Medical Center. Makati Medical Center at The Medical City. Sa mga naturang ospital kasi nandoon ang mga mayayamang pasyente. Kung mayroon mang tatangap sa kanya ay mga maliliit na primary hospitals lang na m