Chapter 32

Chapter 32 – Robert's death

Pagising sa umaga, naging ugali ko na ang makinig sa balita kaya't binubuksan ko ang TV habang inihahanda ko ang mga gamit ni Steven bago pumasok sa school samantalang si Ate Rose naman ay naghahanda ng almusal. Hindi naman ako nanonood ng TV pero nakikinig ako sa mga binabalita ng mga announcers.

“Isa na namang pagpatay ang naganap kagabi. Ang negosyanteng si Robert Chen ay tinambangan at pinagbabaril ng isang riding in tandem sa Taguig City. Sa kasawiang palad, ito ay namatay habang gingamot sa St. Luke's Medical Center sa naturang siyudad. Sa ibang balita ...” pagbabalita ng newscaster.

Nahagip ng pandinig ko ang ibinalita. Robert Chen sabi ng newcaster. Naghanap ako ng ibang channel na nagbabalita rin baka namali lang ako pagdinig. Sa kabilang channel ng TV ay ganoon din ang balita. Bigla akong nanghina, nauupos at tila hihimatayin.

Nakita ako ni Ate Rose kaya inalalayan niya akong umupo sa sofa. “Ano po ang nangyari Ate Megan?” tanong ni Ate Rose