Chapter 34

Chapter 34 – Robert's Pagbabalik 2

Sa wakas nakabalik na din si Robert sa mundo ng mga buhay. Kulang isang taon din ang itinagal niya sa pagtatago. Subalit habang siya ay incognito, nasusubaybayan pa rin niya ang kanilang negosyo lalung-lalo na kami ni Steven. Nagkaroon ng isang sensasyonal na presscon ang pamilya kasama ang mga kapulisan at NBI upang ipaliwanag ang kanyang pekeng pagkamatay. Ayon sa mga awtoridad, pinalabas na siya ay namatay upang madaling mahuli ang mga salarin at upang proteksyonan ang pamilya niya.

Sa kanyang pagbabalik ay nagbago rin ang kanyang pang araw-araw na buhay. Mayroon na siyang driver/bodyguard at may back-up bodyguard pang laging nakabuntot sa kanyang sasakyan. Kung malayo-layo naman ang kanyang pupuntahan ay sa helicopter naman siya sasakay.

Sa una naming pagkikita ay nagpunta siya sa condo ko ng disoras ng gabi. Nalimpungatan ako ng marinig ko ang doorbell. “Sino naman itong buwisit na nagdo-doorbell ng madaling araw?” pagalit kong sabi sa saril