MML 33 - Invalidated Feelings

Narinig ko ang pagkatok sa pinto ngunit kahit balingan iyon ay wala akong lakas.

Humiga ako sa kama at ipinikit ang mga mata. Walang nais na makausap kahit kanino sa kanila.

Bakas ang pag-aalala ng sobra sa kanilang mga mukha dahil nabuksan ko sa kanila ang nais ko na pagpapalaglag sa bata dahil ayaw kong tanggapin ang dinadala sa aking sinapupunan na resulta ng isa sa pinakamasalimuot na gabing naranasan ko sa kamay ng walang awang mga nilalang.

Nakauwi na kami mula sa hospital. Ilang araw na rin mula noong makalabas ako at walang mintis ang pagpunta nila rito sa condo. Nang dahil nga lang sa isang ginawa ko na ikinagalit nila ay isinama na nila ako rito sa bahay nila. Dito na nila ako pinatuloy at ayaw akong iwanan na mag-asawa kaya naman kung wala si Kuya Erick ay si Ate Hazel ang kasa-kasama ko.

Nakakaramdam man ng kaunting hiya dahil sa... pati trabaho nila ay naabala ko na ngunit hindi ko ri