MML 34.2 Pictures

"Kaya ko naman po na mapag-isa na lang muna sa bahay, Kuya. May mga kasambahay rin doon. Nangako naman na ako na hindi gagawa ng kahit ano," pagbaling ko sa kaniya mula sa pagkakatingin sa daan na ngayon ay aming tinatahak tangan ng kaniyang sasakyan.

"Nangako ka rin noon nang ihatid ka namin sa condo pero gumawa ka pa rin ng mga bagay na halos ikamatay mo na," aniya.

"Naaabala na naman kasi kita, Kuya. Panigurado ay marami kang gagawin sa opisina," nahihiyang sambit ko.

Si Ate Hazel ang may gusto na isama na lang muna ako ni Kuya sa condo niya dahil may pupuntahan siya na probinsya at magtatagal siya roon ng apat na araw. Project daw yata ng hospital para sa libreng patingin ng mga kababaihan.

"Kung ikaw ang magdedesisyon ay ayos lang naman na bumalik ako sa opisina pero kung si Hazel ang kalaban mo ay manahimik ka na lang. Ayaw ko mapagalitan noon," si Kuya at saka tumawa.

Natawa na lang din ako. Saksi ako minsan sa pagbubunganga ni A