Chapter 9 Marrying?

Alexes POV

"What! Daddy, no! I don't do that. Ayaw kong magpakasal sa taong hindi ko kilala at lalong ayaw kong matali at makasama sa taong hindi ko mahal!" masama ang loob kong sabi kay, Daddy.

Nandito ako ngayon sa mansion namin at sinabi sa akin ni Daddy ang plano nito. Ang tungkol sa pagpapakasal (Arranged marriage) ko raw sa taong hindi ko kilala.

"Nakapag-usap na kami nang kaibigan ko at may kasunduan na kami na ipapakasal namin kayo nang kanyang anak," mahinahong sabi ni Daddy.

Masamang-masama ang loob ko dahil nakipagsundo ito sa kanyang kaibigan tungkol sa akin na hindi ko alam.

Kasunduan na hindi man lamang inisip at isinaalang-alang ang damdamin ko.

"No! Daddy, ayaw ko. Please! Dad, huwag n'yo po akong pilitin na magpakasal sa taong hindi ko kilala. Please... Daddy, hindi ako pumapayag!" may diin kong pagtanggi.

"Iha, makinig ka, hindi kita pinipilit. Ginagawa ko ito para naman sa'yo ito. I am sure na maging masaya ka sa piling nang mapapangasawa mo. Napakabait niyang anak sa kaniyang mga magulang at sigurado ako na magugustuhan mo siya," mahinahong paliwanag pa rin ni, Daddy.

Wala akong ibang pinapangarap na pakasalan kundi ang taong laman ng puso at isipan ko. Ang tao na kahit kailanman ay hindi nawala ang mga alaala nito sa buhay ko. Nakaramdam ako nang kalungkutan sa isiping ito dahil alam ko na kahit kailanman ay hindi mangyayari.

"Kapag magpakasal ka sa kanya lalong lalawak ang sakop ng kompanya natin. Hindi na tayo mahihirapan sa pag-export ng mga produkto natin sa iba't-ibang bansa. Malaki ang maitulong mo sa kompanya iha, kapag pumayag ka. Anak nang may-ari ng isang malaki at sikat na construction firm ang pakakasalan mo. Marami ang mga sub- companies nito sa iba't-ibang bansa," mahabang paliwanag ni, Daddy.

Nasaktan ako sa sinabi ni Daddy, dahil iniisip ko na para lang pala sa kompanya ang lahat. Iniisip ko na ginagamit lang ako ni Daddy, para mapalaki at mapalawak pa lalo ang sakop ng aming kompanya.

"Bakit ako, Daddy?" naluluha kong tanong.

Tiningnan ako ni Daddy nang may pag-alala sa mukha.

"Ako ang gagamiting instrumento para mapalawak ang company natin. Hahanap tayo nang iba pang paraan, Dad. Ayaw ko talagang magpakasal sa kung sino man iyon!" pagtatanggi ko pa rin.

"Para sa iyo ang lahat nang ito iha, at sa company. Sinisigurado ko lang ang magandang kinabukasan mo at ng kompanya. Sana maintindihan mo ako!" may kalakasan na ang boses na sabi ni, Daddy.

"Naiintindihan ko po kayo Daddy, sa kagustuhan mo na masigurado ang kinabukasan ng kompanya dahil nakikita ko ang paghihirap mo rito para gawing maunlad at lumaki ito pero, ang hindi ko maintindihan ay kung bakit kailangan ko pa pong magpakasal sa anak nang kaibigan mo sa gayong magkasosyo naman kayo sa negosyo," mahinahong sabi ko.

"Iha! Alexes, ginagawa ko ito dahil mahal na mahal kita anak!" mariin nitong sabi.

"No! Daddy, your not. Hindi mo ako mahal dahil kung mahal mo ako hindi mo ako pipiliting magpakasal sa taong hindi ko kilala at hindi ko mahal!" matigas kong pagtanggi.

"Huwag kang magsalita nang ganyan. Mahal kita anak, kaya kailangan kong gawin ito." Sabi nito na may lungkot na sa mukha.

"Pero, Daddy..." Hindi ko na natapos ang sasabihin ko nang sunod-sunod na umubo si, Daddy. 

Dali-dali kong iniabot sa kanya ang baso na may lamang tubig na nakapatong sa mesa na malapit sa aking kinauupuan.

Tinanggap naman ito ni Daddy at kaagad na ininom ang tubig.

"Thank you, Iha." Sabi nito pagkatapos uminom nang tubig.

"Daddy, may sakit po ba kayo? Napapansin ko po na nangangayat ka na at parang nanghihina ka ah," nag-aalala ko na tanong sa kan'ya.

"Huwag mo akong pansinin, Iha. Stress lang ito sa trabaho," sagot nito saka inilapag ang baso na wala nang laman sa mesa.

Tiningnan ko nang mabuti si, Daddy. Wala na ang dating kulay rosas ng kanyang mga bibig sa halip ay medyo nangingitim na ito. At para ba na hindi maayos ang paghinga nito.

Naawa ako sa aking ama, sa nakikita kong kalagayan nito.

Nilapitan ko siya at niyakap saka hinagkan sa noo.

"I'm sorry, Dad," sambit ko.

"It's okay Iha, don't worry naiintindihan kita nabigla ka lang siguro sa mga sinabi ko, pero kailangan mong pag-isipan nang mabuti ang tungkol sa pagpapakasal mo," malambing nitong sabi.

Hindi ko talaga magawang magalit sa mga magulang ko lalo na kay, Daddy. Binigay nila ang magandang buhay sa akin at sinunod ang lahat nang luho ko. Hindi ko mararating kung ano ako ngayon kung hindi dahil sa moral and financial support nila sa akin.

"Daddy, salamat sa lahat nang sakripisyo mo para sa pamilya natin. Wala kang ibang ginawa kundi ang magtrabaho nang magtrabaho. Inuuna mo ang kapakanan ko palagi. Napabayaan mo na ang sarili mo. Hayaan mo Daddy, simula ngayon tutulungan na kita sa pagpapatakbo ng ating kompanya. Babawasan ko na po ang mga ibang projects ko para may oras ako sa pagtulong sayo sa opisina," paglalambing ko sa kanya.  

"Hindi ka na galit sa akin anak?" seryosong tanong nito sa akin.

"Hindi na po, Daddy," nakangiting sagot ko sa kanya at niyakap ko ito.

"Salamat iha, at naiintindihan mo ako," sabi at niyakap ako nito pabalik. 

"Mahal na mahal kita anak at gagawin ko ang lahat para maging masaya ka lang," maluha-luhang sabi nito.

"Mahal na mahal ko din po kayo ni Mommy, Daddy, at ayaw ko na magalit kayo sa akin," sagot ko.

Mahal na mahal ko ang aking mga magulang at ayaw ko na mawala sila sa akin. Kaya sinikap ko na maging mabuti at masunuring anak sa kanila upang sa ganoong paraan ay maibalik ko man lamang sa kanila ang mga sakripisyo at pagsisikap nila para sa akin. Kung dati ay takot akong mawalay sa kanila dahil iniisip ko na hindi ko pa kayang tumayo sa sarili kong mga paa at kailangang-kailangan ko pa ang kanilang gabay at pagkalinga. Ngayon naman na kaya ko na ay takot naman akong mawala sila sa akin dahil sila ang inspirasyon ko para magpursige at magtagumpay sa buhay dahil gusto ko na ako naman ang magtatrabaho para sa kanila.

Pero ngayong gusto akong ipakasal ni Daddy, sa taong hindi ko kilala ay hindi naman siguro tama. It's unfair naman sa akin.

Nagdadalawang-isip ako kung susundin ko ba si Daddy o hindi. Kapag pumayag ako sa arranged marriage na ito handa na ba akong kalimutan o manatiling alaala nalang ang lahat para sa amin ni, Kenny. Ang lalaking hanggang ngayon ay umaasa pa rin ako na babalik siya at masabi ko ang gusto kong sabihin dito ang mga salitang, I'm sorry.