Chapter 63

“Nako si mama pala, nawala na sa isip ko so mama,” wika ni Ella habang naglalakad.

“Ako na lang ang susundo sa mama mo, sa bahay naman ng kambal s’ya susunduin hindi ba?” tanong ni Zander.

“Sigurado ka? Pwede namang si Junel ang sumundo kay mama, alam din naman n’ya kung saan ang bahay namin sa village,” ani ni Ella.

Nasa tapat na ng vendo machine ang dalawa para kumuha ng kape. Hindi pa naman ganoon kalalim ang gabi, ngunit ramdam na nilang lahat ang antok at hayo dahil sa mga nangyari. Lalo na sa mukha ni Ella, hindi man nito aminin ay bakas na sa kanyang ang pagod, dagdagan pa ng hindi magandang pakiramdam na kanyang iniinda.

“Miss Tan.” Hinawakan nito ang pisngi ng dalaga. “Mas kaylangan kayo ngayon ni ate Anica, lalo na si kuya Baron. Nang nalaman n’ya ‘yung sitwasyin ni ate Anica, tinanong n’ya ako kung alam ko raw ba ‘yon. Sabi ko wala akong alam. Wala naman talaga akong alam, pero nakita ko sa itsura n’ya na naguguluhan pa s’ya sa mga nangyayari. Kayo lang ang makakatulong kay