24: Betrayal

Ilang luha pa ba ang iiiyak niya at ilang katotohanan pa ang kailangan niyang malaman?

Iyan ang nasa isipan ni Yanna Reynolds habang tinitingnan ang isang pahayagan kung saan may larawan ang pamilyang Smith kasama si Fiona. Malaki ang ngiti ng apat na tao sa larawang iyon pero katulad ng maraming tao, hindi niya batid kung tunay ba ang mga iyon.

Binanggit sa pahayagan na maraming on-going charities ang mga ito pero sapat na ba iyon na dahilan para sabihing mabuti silang tao?

Kinuha ni Yanna ang tablet niya at binuksan ang document na naglalaman ng ilang detalye tungkol kay Hiraya Cruz, ang sinasabi nilang tunay niyang nanay.

The woman in her 50s looks so pretty indeed.

"Anong ginawa ko sayo para idamay mo ako sa gulong ginawa mo?" pagkausap niya sa larawan ng babae.

Mag-isa si Yanna ngayon sa bahay at nasa school naman si Nate. Hindi sila kumuha ng katulong dahil baka makapagpapasok pa sila ng traydor. Hirap na silang magtiwala, lalo na si Yanna. At ayaw naman nitong madam