Chapter 211

CHAPTER 211

Pagkarating ni Mark sa Manila ay nagpalit lamang sya ng kanyang damit at agad na syang dumiretso sa kanyang opisina. Kailangan nya pa rin kasing pumasok ngayong araw dahil marami pa syang kailangang gawin. Hindi na nga rin nya nagawang tawagan pa si Kate dahil sa sobrang abala nya simula ng dumating sya sa kanyang opisina.

"Kumusta ang dinaluhan mong conference?" tanong ni Louie kay Mark ng puntahan nya eto sa opisina neto.

"Okay naman po dad," sagot ni Mark.

"Kumusta ang anak ni Mr. Roxas? Dati iyong modelo," makahulugang turan ni Louie sa anak. Naptitig naman si Mark sa kanyang ama.

"Dad bakit po sya ang pinasama mo sa akin sa Cebu? Pwede naman na iba diba?" tanong ni Mark sa kanyang ama dahil parang may ipinapahiwatig ang mga tingin sa kanya ng kanyang ama.

"Bakit? Hindi mo ba nagustuhan si Cindy? Maganda si Cindy at nagmula pa sa mayamang angkan. Binata ka naman at dalaga sya kaya wala namang masama diba," sagot ni Louie. Mariin naman na naipikit ni Mark ang kanyang