Chapter 5. May gatas kapa sa labi Nene.

POV- SZARINA.

Nag ngingitngit ako sa inis habang nag abang ako ng taxi sa labas ng building. May nakita akong botle ng mineral water, dahil sa wala akong mapaglalabasan ng inis ay ang bottle mineral water na walang kalaban laban ang pinagdiskitahan kong sipain.

"Aray naman Miss, kung may galit ka sa mundo o iniwan ka ng boyfriend mo ay hwag ka ng mandamay ng ibang tao na walang alam sa problema mo sa buhay." Ani ng isang baklang mataray na natamaan ko sa pagsipa ko ng mineral water.

"Sorry po sir, diko po sinasad-...

"Anong tinawag mo sa akin? Hindi mo ba nakikita ang suot ko para tawagin mong sir!" Pagputol sa aking sinasabi ng baklang kaharap ko, lalo syang nagalit sa akin ng tawagin kong sir.

"Sorry talaga, hindi ko napansin ang suot mo." Paghingi ko ng tawad.

"Paano kase, pandak kana bulag kapa kaya dimo nakikita kung ano ang suot ko. Tumabi ka nga dyan, naghihintay ang booking ko ngayon sa loob ng hotel na yan oh.." Pagtataray ulit sa akin ng bakla, kaya nainis na ako.

"Sorry po ulit, ang mahalaga may l***t ka kaya natawag po kitang sir." Sabi ko sabay takbo ko sa tumigil na taxi malapit sa harapan ko. Umusok naman ang ilong ng bakla sa akin at kinakalampag ang bintana ng taxi.

"Hoy, Pandak! Bumaka ka ditong babae ka! Ikaw na nga ang may kasalan ikaw pa ang may ganang mag inasal aso!" Galit na galit na tawag sa akin ng baklita. Napabungisngis naman ako ng palihim na hindi nakaligtas sa driver, iiling iling ang ulo nito ng simulan na ulit paandarin ang taxi.

"Kayo talagang mga kabataan, puro kayo kalokohan. Mabuti pa noong kapanahunan namin, pagkatapos ng aming klase sa School ay nasa aming tahanan na kami at tumutulong sa aming magulang sa gawaing bahay... .... Saan ba ang bahay mo Nene at ihahatid na kita sainyo." Pangaral ng driver, tinamaan ng lintik, gaano ba ako kaliit at bakit nene ang tawg nila sa akin. Pwede na nga ako magboyfriend at mag-asawa. Nakakainis na ang mga ito. "Hindi na ako Nene! "Hindi na ako Nene," Naiinis kong bulong, tumikhim ako pagkatapos ay nagsalita.

"Mawalang galang na po Tay, hindi na po ako Nene, pwede na nga po akong magka boyfriend eh." Naiinis kong sagot sa manong Driver.

"Patawarin kang bata ka oo, kung ano ano na kase ang napapanuod ninyo ngayon sa social media kaya ganyan na kayo mag isip ngayon.. Sabihin mo sa akin kung saan ang bahay ninyo at kakausapin ko ang magulang mo? Pagboboyfriend agad ang nasa isip mo, may gatas kapa sa labi Nene mag aral ka mona at tapusin mo mona ang Elememtarya bago ka magpaligaw." Wika ni manong driver.

"Tay, naman eh. Sabing hindi na nga po ako Nene na may gatas pa sa labi, 1st year Colleges na po ako at hindi na Elementarya. Gaano po ba ako kaliit para matawag ng Nene!?" Nakasimangot kong sagot.

"Pati ba naman ako ay lolokohin mong bata ka, magkasing height lang kayo ng apo kong ga graduate ngayong taon sa Elementarya." Hindi nagpapatalong sabi sa akin ni tatay.

"Bahala nga po kayo dyan, Tay Marunong kapa po sa edad ko. Sabing hindi na nga ako Nene, 20year old na ako." Wika ko ng nakasimangot. Natawa naman ang driver ng taxi dahil sa sinabe ko..

AKALA ng mga taong hindi nakakakilala kay Szarina ay bata pa ito. Maliit lang na babae si Szarina Kim 4'11 lang ang height nito at may maamong mukha na mala Mama Mary, kaya napagkakamalan na bata o Nene pa. Sa tuwing nakakasama sa gimik ng magkakaibigan na ka klase nya sa university si Szarina ay pahirapan papasukin lalo na kapag mahigpit ang management ng Exclusive bar, kaya sa Casa Isabella lang sila palagi pumupunta dahil kilala na ng security guard at bouncer si Szarina dahil ang nagmamay-ari ng club na iyon ay kaibigan ni Eutanes na may pag-ibig kay Isadora Ajaizah.

"Tay, diyan lang po sa poste na may nakasulat na NANGHAHASA - OTOTEN street. Diyan nyo na lang po ako pakibaba." Sabi ko sa mamang driver na lalong ikinainis ko ng kumunot ang noo nito na tumingin sa akin.

"Segurado kaba? Neng. Pagkakaalam ko yang buong looban na yan ay Dorm ng DON BOSCO TECHNICAL COLLEGE." Sabi pa sa akin ni mamang driver na hindi naniniwala sa mga sinasabi ko.

"Tay, kung ayaw nyo pong maniwala sa akin, na ito na po ang I.d ko ng university na pinapasukan ko. At kung hindi kapa po naniwala ay tanongin mo pa po ang security guard ng dorm na yan dahil nakakapagod na po mag explain saiyo na hindi na po ako Nene... Lakad na po kayo tay, hindi po ako baba dito ng taxi ninyo ng hindi kayo naniniwala sa akin..." Naiinis na sabi ko.. "Gaano ba ako ka pandak at pinagpareho pa ang height ko sa kanyang apo, pinagtripan na nga ako ng magiging boss ko pati ba naman itong taxi driver na ito. Nakakainis lang talaga. Imbis na sa opisina ako dumiretso ay umuwi na lang ako dahil naiinis akong sobra ngayon.. Makapag pahinga na lamang ng maaga." Inis na salita ng aking isipan...

"Pasensya na po ma'am, bumase lang po kase ako sa hieght mo at sa baby face mong mukha kaya po napagkamalan ko kayong Nene pa." Hinging paumanhin sa akin ni tatay ng makita nya ang I.d ko. Nawala naman ang inis ko kahit papaano ng sabihin nya ang kanyang dahilan, baby face ang mukha ko.

"Okay lang po tay, ito na po ang bayad, baba na po ako." Tipid kong sagot. Pagkaabot ko ng pamasahe sa taxi driver ay bumaba na ako, hindi ko na pinansin pa ang pagtawag sa akin ni mamang driver ng ibibigay sa akin ang sukli ng aking binayad.

Kakamot kamot naman ng ulo si Manong ng sumakay ng kanyang taxi na minamaneho nito.

"Bakit naman nakasimangot ang binbining Nene?" Pang-aasar sa akin ni kuya guard. Bumalik ang pagkainis ko kani kanina lang.

"Isa ka pa kuya guard, nakakainis na talaga kayong lahat. Sabing hindi na ako Nene," Naiinis kong atungal, nagdadabog akong naglakad papasok ng dorm. Pagkapasok ko ay sinarado ko lang ang pinto at nilock, pasalampak akong nahiga sa aking kama na maaliit na kasya naman ang dalawang tao.

Kinuha ko ang phone ko sa bulsa ng aking bag na maliit. Galing ang phone ko na ito sa opisina, para may contact daw ako sa aking boss kaya ang simcard na nakalagay dito ay hindi ko pwedeng ipaalam sa iba o ipamigay kahit kaninio, kahit pa sa mga kaibigan ko dapat daw ay ako lang. Binuksan ko ang F******k account ko at nag scroll scroll sa news feed ko. May nahagip ang aking mata sa pag e scroll ko, binalikan ko ito at nakita ko ang mukha ng taong kinaiinisan ko. Bumilis ang tibok ng puso ko na makita ko ang mukha ni Jeran ay mali Mr. President Jeran Zeus Underthesaya pala na may kasamang matangkad na babae at may magandang mukha na nakahawak sa kanyang braso habang kinukuhanan sila ng larawan sa isang event.

"Babaero ka talagang tukmol ka, ang sabi mo ay single ka at wala kang nililigawang ibang babae dahil wala kang natitipuhan na bukod sa akin. Mabuti na lang hindi ako naniwala saiyong tukmol ka, hindi naman lilingkis sa iyo ang babae na yan kung wala kayong relasyon..... Teka nga bakit ba ako naiinis eh wala naman akong gusto sa lalaking yan na wala ng gawin kundi asarin ang height ko." Bubulong bulong ko habang nagbabasa ako ng comment... Ang comment pa ng isang Netizen.

"Congratulations, Mr. President mabuti naman po nahanap nyo na ang babaeng mag aalaga sa iyo sa pagtanda." Kumento ng ginang sa isang post sa balita.

"Tamo ka, tukmol ka talaga, sana nga alagaan ka ng babaeng yan hanggang sa pagtanda mo. Basa ko na agad ang hilatsa ng babaeng yan, itsura pa lang ay hindi na gagawa ng matino." Bulong ko ulit.

Binasa ko ulit ang iba pang kumento ng mga Netizen na mga Marites sa kubo at kanto.

"Ang ganda naman ni Miss. Angelina, bagay sa kanya ang pangalan nya dahil sa mala anghel niyang mukha, at sobrang bagay sila ni Mr. President Jeran." Natawa naman ako sa nag comment. Angelina pala ang pangalanan ng babaeng yon na mala anghel daw ang mukha, kakasabi ko lang kani kanina na hindi na gagawa ng matino ang babeng yan. Malabo na ang mga mata nila, kailangan na seguro nilang magpatingin sa EO- EXECUTIVE OPTICAL may libreng check up ng mata don.

Nag scroll pa ako ng nag scroll, nakita ko ang pamilyar na mukha kahit hindi ko pa e zoom in, may pa Intsik Intsik pa ng pangalan sa f******k, dalawa pala ang f* account ng babaeng iyon.

"Pakasalan mona yan Mr. President, baka maagaw pa ng kaibigan kong bansot eh umiyak pa yan si Miss Angelina, saka mas bagay kayo kaysa sa kaibigan kong babaeng bansot. Aattend talaga ako ng kasal ninyo at magsasharon pa talaga ako ng handa ninyo sabay magpapa picture sainyong dalawa.... Naku! Kinikilig talaga ako sainyong dalawa, may sisigaw seguro ng ITIGIL ANG KASAL, JERAN BUNTIS AKO, AT IKAW ANG AMA." Nanggigil naman ako ng e screenshot ko ito, may pa hashtag hashtag pa talaga, #Mayiiyaksahuli #Nasahuliangpagsisisi #PaalamDwende, 2Hrs ago ang nakalipas ng mag kumento ang babaeng iyon. Pagkatapos kong e screenshot ay pinasa ko agad sa group chat namin. Sunod sunod ang seen nila pwera lang sa isa.

"Si Aria ba ito?" Tanong agad ni Issa.

"Kamukha ni Aria." Reply ni Chyrll

"Dalawa pala ang F******k account ni kapatid Aria?" Reply din Rasselle.

Si Marian naman ay nagsend ng tumatawang emojie.

Ginatungan pa nila kung ano ang comment ni Aria sa comment section kaya sa pikon ko ay nagsend ako ng galit na emoji, at hindi kona sila pinansin.