Chapter 95

May pabilog na mesa sa loob ng opisinang pinagdalahan sa kanila ni Dulce. May maliit pang bilog na umiikot sa gitna nito.

"Wow, yayamanin talaga kayo" biro niya kay Dulce.

"Dito kami nag ooffice ni papa. Pero madalas, ako lang at si kuya Frank ang narito. Nakafocus kasi si papa sa mga resorts and hotels." sabi ni Dulce. Napansin nitong sa mga drawing sa wall nakatingin si tita Ludy "yan po ang past time ko tita. Biniyayaan po ako ng magaling na kamay."

"Pareho pala tayo" nakangiting sagot ni tita Ludy "kapag wala akong ginagawa, nagdodrawing ako"

"Pareho po pala tayo" masayang sabi ni Dulce.

"Magaling sigurong gumuhit ang tatay mo?"

"Naku, hindi nga po eh.." napakamot si Dulce sa ulo.

"Wow, Dulce, tayong apat nina Marga at Flor" nakita niya ang isang portrait sa gilid.

"Hindi ko pa naiisabit yan, kasi plano ko dito, pero mas okay ata na nasa kwarto ko, baka mabenta kayo sa mga investors hahaha"

"Ang galing talaga ng kamay mo.. gusto mo ba magchallenge tayo mamaya?" hamon ni tita Ludy.