Chapter 9

Isang araw bago ang masquerade ball, naisipan ni Tempest na gumala muna pagkatapos ng photoshoot niya. Isasama sana niya si Medea kaso tumanggi ito sa alok niya dahil may mahalaga siyang meeting na kailangang daluhin. Kaya naman kahit mag-isa ito, pumunta pa rin siya sa mall at ang unang store na pinasukan niya ay ang flower shop ni Giselle.

“Anong meron at bigla kang napunta rito?” bungad ni Giselle nang makita ang modelo na pumasok. “Bibili ka ba ulit ng flowers para sa nililigawan mo?”

Naupo si Tempest sa may gilid at umiling. “Nag-iisip ako ng iba pang regalo para sa kaniya. Kapag kasi bulaklak lagi, baka mapuno pa ng rosas ang kwarto niya nang wala sa oras. And there is a high possibility that he would get tired of them.”

“Regaluhan mo na ng singsing.” Natawa pa si Giselle sa sinabi pero agad siyang tumigil dahil sa sama ng tingin sa kaniya ni Tempest. “Ayain mo na lang siguro ng movie date or something.”

Pagkabanggit niya sa salitang ‘date,’ biglang nabuhayan si Tempest dahil ma