Kabanata 40.1

Salubong na naman ang mga kilay ni Layla habang naglalakad. Nakakuyom din ang mga kamao niya pero sa tuwing may masasalubong siyang mga tao ay nginingitian niya ang mga yun kahit na kumukulo na ang dugo niya.

Dumiretso siya kung saan banda ang dressing room ni Drew at pagbukas niya ng pintuan ay napatingin sa kaniya ang lahat habang tiningnan naman siya ni Drew sa repleksyon ng salamin na nasa harapan niya.

“Can we talk?” malumanay na saad ni Layla kahit na gusto niya nang sigawan si Drew. Tiningnan ni Drew ang manager niya saka niya ito tinanguan. Inutusan na ng manager ni Drew ang mga staff na lumabas na muna.

Tahimik lang silang dalawa hanggang sa makalabas ang lahat ng kasama nila sa room.

“What do you need?” blangko at walang ganang tanong ni Drew kay Layla.

“What is this? Huh?!” inilapag ni Layla ang cell phone niya sa harapan ni Drew. Tiningnan naman ni Drew kung ano ba ang sinasabi ni Layla pero napangisi lang siya. Tumayo na si Drew at hinarap si Layla.

“Are you threatening m